PDF Pawl Ci Hmih Dih Ding In Ralrin Apek Hna

Basic Life Promotion Party Lutlai Michael Kyaw Myint nih Mandalay ramthen Nanmyo hmaiah ralhrang dirpinak puaipi a tuah ding kong cu achim. Cumi puaipi I hna hawh nak atuah tu PDF pohpoh cu an ci hmih dih an si tiah achim. Michael Kyaw Myint nih “November 18 ah ralhrang dirpi in conghlawmh nak puai kan tuah lai I, hi chung ah rakrat in hna arak hnawk tu PDF pohpoh cu an luat lai loh. Cucu atu in bia kan kamh cia cang hna.

Cun hi puai tuahnak ah aho sin hmanh in tangkha ka hal hna lo. Keimah tein arem ka ti ning in tuah ding asi, atu tianag ah cun aho sin hmanh in sponsor ka ngei rih lo, ahnu ah athawh tu an um asi ah cun ka rak phuan than te lai. Hi puai chung ah hin aho paoh tel ding in sawm nan si, aho hmanh nih nan ka bawmh lo zong ah kei mah tein ka tuah thiam thiam ko lai tiah achim.

Atu i Michael Kyaw Myint nih a tuah dingmi ralhrang dirpi nak puaipi cu acung lei zongnih tuah nak nawl an ka pek cang tiah ati. Cun hi Ralhrang dirpi nak Puai ah hin “PDF cu ralhrang Mihrawk tu le Mipi hnahnawh nak pe tu Bu an si I ralkap pawl tu hi mipi humhimtu le rampi hruaitu an si ti in vawlei pi theih ah au an tim.

Mchael Kyaw Myint hi Muslim biaknak a hmuhsuam ruangah thawng rak tla bal cang mi asi. Rampi thimnak(election) lio ah a mah nih dirhmi Basic Life Promotion Party aiawh in party 34 ton pumh nak ah a rak tel ve I atu I Nawlngeih nak fir tu  ralhrang hotu Min Aung Hlaing zong hman a rak thlak pi bal.

Mandalay I a um mi pakhat nih cun “Mandalay ah buainak tuah timh len hlah uh, nan duh asi ah cun nanmah nan umnak ah va tuah ko uh. Nan tuah duhmi nan tuah dih hnuah nan tlung dih than lai i a tuartu ding cu mipi kan si thiam thiam ko lai,” tiah a ti ve. Credit

Author: Main Editor

Leave a Reply

Your email address will not be published. Required fields are marked *