President Joe Biden zong tuanbia chia in a hngah ve ko cang

An tuah ding mi a tlamtling lai maw ti cu thei a si lo, Upper House le Lower House member angei mi tlawm mi an si nain Impeachment cu kalpi a si cang lai. House pahnih ah Democrat lei member an tam deuh. Natein mah bantuk in Impeach an tuah ding mi kongah Joe Biden le Harris zong tuan bia tha lo an tial ve cang lai tinak a si

Afghanistan kongah Biden Foreign policy cu chim ding a um lo, US ram, ropui tuk mi caah cun cohlan a har tuk mi a si cang caah le mah lawng si loin. US caah ral nganbik a si mi ISIS-k pawl nih US minung 13, ralkap 11 le sibawi le civilian pakhat an that than caah US mipi cu President Joe Biden cungah zumnak an ngei ngam ti lo

Atu hi President Joe Biden impeach a duh mi an tam tuk cang i, House ah chuahpi a si lai caah zeidah a law lai ti cu thei a si ri lo. House pahnih ah Democrat lei an tam deuh caah Impeach hi cu a tlamtling lai an zum lo. A tlamtling ahcun President atu Vice President Kamala Harris hi US president a si lai, natein kamala Harris hi Joe Biden nak in a chia deuh fawn caah US ram ca ahcun hna a ngam lo ngai.

Cun Kamala Harris hnuah President si kho ding mi lakah House Speaker Nancy Pelosi a si than hoi caah Republican pawl duh lo mi lawngte an si fawn caah Republican lei zong an buai ngai ve

Vice President Kamala Harris cu US president caah zumtlak a si lo ti cu fiangtein thei a si cang. Southern Border ah illegal migrants pawl hman a buaipi kho lo ahcun zeitin US rampi cu a hruai khawh lai ti cu mi tampi lungreithei in a chia tu a si

GOP Lawmakers pawl nih Kabul blast ruangah President Biden cu arian in i dinh seh ti an duh ngai, House Minority Leader McCarthy nih a chim ning ahcun Afganistan in Americans citizen le ralkap pawl lak dih an si hnuah President Biden cu impeachment tuah ding a si lai ti Hint a pe cang fawn. Rep. Meijer nih a chim ning ahcun US veteran, US Troops 13, Biden foreign policy a chia tuk ruangah minung 13 an thi mi cu pawi tuk mi thil a si i ngaithiam khawh lo mi asi tiin a chim.

Rep. Cawthorn nih Kamala Harris sin ah President Joe Biden cu a rian in i ding ter ding in ralthanak ngei ding in a forh i, 25th Amendment hmang in President Biden cu a rian in thawl ding in a ti , nateinĀ  AMERICA hi nu President tangah um an duh lai maw ti cu bia halnak nganpi a si than. Src-RTK

Author: admin

Leave a Reply

Your email address will not be published. Required fields are marked *