President Ramhruai Tupa An Thah Hnuin An Ram Dirhmun

 Haiti president Jovenel Moise cu a umnak inn bakah thah thah atong, cu caah Claude Joseph nih Haiti ram cu amah nih a hruai rih hna nak ding aphuan hnuah Martial law(ralkap ukphun) aphuan chih.

Claude Joseph nih cun “Kan president bik cu misual kut in a thih ruangah vuanci pawl riaram tein ton biaruah nak kan ngei i, lung tlinnak an ngeih bantukin rampi nawl ngeihnak cu keimah kut ah aum rih. Cu ti rualin mipi kan him khawh nak ding ah Martial law ka phuan hi asi. Kan president cu a umnak inn ah mizei ti theih lo mi mirang le Spain holh a hmang  mi nih July 7, zinglei sml. 1 hrawngah a umnak inn chung cia ah an kah that. A nupi cu hliam tuar in sizung ah an thlop bul cuahmah lio a si,” tiah a ti.

President pi ngaingai a umnak innpi chungah misual nih an thah timen in an timi cu vawlei mipi an khuaruah ahar tuk cio, venhim nak security an tuah mi ava tha lo ve tiah ceihphai nak le biahal nak atam.Kam khat leiin cheukhat nih cun anmah le mah karlak ah theihthiam lonak aum i asi ko lai tiah azum mi zong an um ve.  Zeiruang ah tiah cun ,Jovenel Moise ( kum 53 ) nih cun 2017 kum in Haiti ram ah president tuan hi aathok. President a tuan chungah voi2 khengte rampi thimnak tuah ding cu covid 19 pulrai ruangah ati I thimnak tuah duhlo in aum i mipi huat zong atong ngai.

Nawlngeih nak hi amah nih ngeih peng aduh caah asi ko lai tiah fak piin soisel atong i, hi bantuk ruang ah an thah hna hi asi hnga maw tiah an ti tu an um ve. Haiti ram cu 2010 kum ah fakngai in Li aa rak hnin i minungting 2 renglo an rak thi. Cu hnu thawk cun vawlei pi nih theih cio mi Haiti ram asi i vawlei cung ram kip nih fak piin an rak bawmh. An ram hi afa i aharsa ngaimi ram an si ve. an ram chungah hin cozah asi lio mi duhlo ruangah buaibai te te a tam ve i, zauk phung duh ruangah tupung tibantuk pawl zogn tampi an tho ve. A tu dirhmun ah an ram a hruai chungtu Claude Joseph nih ramri vengtu achiat dih hna i, airport pawl zong a kharter chung rih hna.

Author: Main Editor

Leave a Reply

Your email address will not be published. Required fields are marked *