Pu Mang Cin Thahnak Kong Cu Daihter An Itim Rua Lo

Pu Mang Cin Kahthah kong ah Hakha Khuathar Relief Committee nih Duhlonak Fak in an Langhter: Cathanh-

1. Halkha Khuathar khua mi Pu Mang Cin cu CDF Hakha a rawitu le uknak chuttu ralkap pawl sin ah thawng petu a si tiin Chinland Defence Force – Hakha (CDF-Hakha) le CNA nih 2021 kum November 10 zanlei 5:30 hrawng ah a umnak inn ah meithal in an kah i a thi.

2. Khuathar CDF Council zong nih Pu Mang Cin a cawlcangh ning cu naihniam tein an rak ngiat i an rak hlat tikah rawitu a sinak taktak fiangfai in an hmu kho lo. Cucaah, Pu Mang Cin hi Dalan tiah Halkha CDF Council nih an kahthahnak kong an langhtermi a ruang hna hi biahram a ngeilomi le purhdahnak menmen an si tiah kan hmuh i kan pom kho hrimhrim lo.

3. Pu Mang Cin kahthah a sinak kong ah Hakha CDF Council nih rawitu hna kong he pehtlai in an ngeihmi zulhphung he aa kalh. Hakha CDF Council nih a kong ceih loin hruaitu minung hnihkhat khuakhannak lawngin an kahthah tiah kan hmuh. Cu caah, Pu Mang Cin hi CDF – Hakha le CNA nih ningcang loin an kahthah tiah kan pom.

4. Pu Mang Cin hi hriamnam a tlai lomi khua mi sawhsawh a si i CDF Hakha le CNA nih biahalnak zong ngei loin a umnak inn ah a tlithup in an kahthahmi hi hriamtlai phu hna nih an zulh dingmi phung an buar a si caah faak piin duhlonak zong kan langhter.

5. Pu Mang Cin meithal in an kahthahnak kong ah CDF-Hakha nih ṭuanvo tlamtling tein an laak hrimhrim awk a si.
6. Hi hnu hmailei zong ah ningcang loin mi zeihmanh CDF le CNA kut in kan thih awk a si lo. A ruang cu mipi dirkamhnak, zumhnak le bochannak a zortertu tuahsernak phun a si lawng siloin dohthlennak hmuitinh le thazaang zong a zorter khawhmi a si.

– Pu Bawi Lian (+1-317-200-1790) President, Halkha Khuathar Relief Committee – Pu Tuan Sang (+82-10-8789-0742) Secretary Halkha Khuathar Relief Committee halkhakhuatharreliefcommittee@gmail.com

#Biakilh: A tanglei Pu Mang Cing kong cathanh hi Hakha Khuathar Relief Committee request in kan rak tarpiakmi hna a si. The Chin Journal ruahnak/dirhmun aa tel lo pin an cafang pakhat hmanh kan thlenpiak hna lo.TCJ

Dec-15 update – Hakha Khuarthar sang ah chungkhar he a um liomi, Pu Mang Cin cu Nov. 10,2021, 5:3opm hrawng ah CDF Hakha minin amah inn te ahmeithal kahnak in thah a tong. Hi thihnak hi biahram fek umlo mi le lungrumhnak men ruangah kutthlaknak in achuakmi asi.

Amah hi Payan rianthiammi, contractor rian tuanmi,Hakha chuah taak lo inkhua ahngak I,chiatthatni ah zaanghleicawi in thlan siam tawntu le ahngakchiat tein PA can ah adir mi chungkhar zohkhenhtu bik asi. A nupi le fa 5, kum 17,16,11 le 1.6 (faphir), a nu le achuahpi anau le 6 a kal taak hna.

Hi cathanhnak hi mi pakhatkhat cungah fahnak pek le mualphoh duh ruangah asi lo. Ttha tein hlathlainak tuah asi hnu ah voi 3 tiang CDF Hakha sinah capeknak, upa hna thlah in tonbiaruahnak ngeih dingin hal lengmang asi nain zei relpiaklo asi. Hi dothlennak hi a muichiatter zong duhmi asi lo. Asinain chungkhar hna nih kan ton bantukin midang zong nih an ton ve lonak ding caah Statement ahung chuahnak hi asi.

I. Pu Mang Cin hi Dalan (ral sin thawngpetu) asi timi lungrumhnak an ngeih caah a nunnak an laaknak hi asi. Ahosin ahdah thawng a pek,zei kong dah a pek,amah ruangah tah ahotal tlaihkhih a tong mi an um bal maw? A fekmi tehte mithmutu le a dirkamh ngam mi tah an um maw?

Amah ruangah CDF cawlcanghnak a rawk bal maw? Ti biahalnak belte lainawngtu hna nih biahram fek chim khawhmi anngei lo. Ruahdamnak, lungrumhnak le mi nih an tiko ti le aanaatinghlan I a rak si mi chirhchanh lawng in tuanvo ngeitu hna nih bialehnak an tuah khawh.

II. Hi thihnak kong hi CDF khuathar nih an theihpi mi asi lo. CDF Hakha council zong ah bia an ceih ballo, an hruaitu upa tampi nih an theihpi mi zong asi lo. November 2 ah Dalan kong tuanvo ngeitu nih ‘Laimi chungah dalan ttuan kho ding an um lo’ tiah achim hnu ni 4 nak, November 10 ah acang mi zong asi. Cucaah, CDF Hakha tuanvo ngeitu minung pakhathnih biakhiahnak, ttha tein tuaktannak umlo, le lungfim lo bu khuakhannak in achuakmiasi kho tiah zumh asi.

III. Lainawngtu hna chimmi cu: (Cahangsen=CDF Hakha;atang=Bialehnak)

  • a. Pu Mang Cin hi, Dalan asi tiah fehternak fiang tuah khawh asi lo nain, asen list ah April thla ah a um’ tiah an ti. (May thla ah a dirmibu nih, ‘Zeitikah a sen list ah an rak um ter, zei atuahmi ruangah timi an chim kho lo, fehternak zong an tuah khawhlo mi kong asi).
  • b. ‘Kan cawlcanghnak a phuang tawntu tiah zumhmi’ tiah an chim tthan. ( CDF Hakha cawlcanghnak kong ah aleng minung asimi Pu Mang Cin nih achung rianttuannak zeihmanh atheih ding mi a umlo. CDF Hakha cawlcanghnak kong ‘a phanmi bia’ set zong an chim kholo. Lungrumh sawhnak men asi).

Pu Man Cin hiDalan list ah an chiahnka a ruang hna an chimmi cu; Ralhrang hna he an ikom (Pu Mang Cin hi contractor attaun mi le golf atu tawn mi asi. Golf a tumi ralbawi 2 hna le upa tampi he zong an ikom ko.A hawilom ralbawi pa 2 hna cu Aanating hlan, 2020 kum ah khuadang ah an tthial diam cang mi an si).

Rungtlang ah alutchuah leng mang’ (A rian kong hr pehtlai in 2019,2020 hlanah Rungtlang ah a rak um kal bal ko. An puhnak he pehtlainak an ngei lo. Feb.2021 hnu ah Rungtlang ah a kal ballo).

‘Ralhrang nih an tlaih lio, sakhan ah midang hrem an ton lio zongah, anih cu zeihmanh an tuah lo’ ( Ralhrang nih tlaihmi chungin hremmi le hrem lo mi zong an um ve ko. Amah thengte hremlo ruang ah hramhram in dalan puhduh ahcun apuhtu nawl asi ko).

‘A nupi CDM tuah lo lawng siloin an fale zong GTI rian an luhter hna’. (A nupi hiCDM cu a tuah tak lo. Zung tu cu a kai ti lo. An fale GTI rianlutmi an um lo. 2019 le 2020 hlanah an chungkhat hna security le cleaningttuan dingin GTI ah rian an rak hal lio ah a rak bomh, a rak zulh bal hna).

‘Mizapi zong a konglam kan hal tikah dalan asi ko tiah an kan leh’ (Zei bantuk a tuahmi ruang dah dalan asi tiah an ti? Timi biahalnak anchim khawh mi a um lo).

‘Cu bantuk pawl ruang ahcun kaa in April thla ah ralrin pek bal asi’ (April thla ah phone chonhnak in theihlo mi pakhat nih a nupi CDM tuahlonak ruang le biachim holhrel iralrin dingin ral cu an rak pek bal ko.
‘SAC nih Khuathar caah an thimmi khuabawi zong amah hi asi kho’. (SAC thimmi khuathar khuabawi asi lo, a ttuan lo. Puhnak men asi).

‘Tlaihmi hna zong kan hal tikahdalanasi ko tiah an kan leh’ (Dalan an tinak ah, atuahmi, achimmi, a report mi hna le tehte kong biahalnak tu cu an chim kho lo).

IV. Pu Mang Cin sual an phawtnak le thih ding tlak tiangin anpuhnak tahfung hna hi,Hakha khuanu/pa ah ruahmi tampi hi an luat kho ve hnga lo. Asinain, biahalnaksawh hmanh an tuah ngam hna lo. Pu Mang Cin tu cu biahramngeilo mi, lungumh purhdahnak men I awzaang ngai in an thah ko mi hi ngaktah santlailo asinak an zohcukh, an namneh ruang le mi nunnak zei an rellonak alanghnak asi. Cun, hi thihnak kongah ‘Palhnak a um lo’ tiin CDF Hakha tuanvo ngeitu bialehnak asi.

V. Geneva conventions common article (3)(1)(a) ah ‘Ral asimi hmanh hriam achiah I, cawlcang lo tein a um ahcun thahnak, a mipum cungah harnak peknak nawl a um lo. Abikin hriamtlaimi nih hriam angeilomi mi pakhatkhat cungah zeibantuk thah le hremnak nawl hmanh a onh lo’. Pu Mang Cin thihnak hi hriamtlai lio mi bu nih civil mi cungah Willful killing (duh ciammam tein thahnak) le Premediat killing (ruah ciammam tein thahnak) asi.

Cu bantuk thahnawnnak cu, Article (7)(1)(a) nih Crime Against Humanity ati I Article (8)(2)(a)(i) nih War Crime ati. Cucaah Pu Mang Chin cung I kutthlaknak hi Crime Against Humanity le War Crime asi. United Nations Human Rights, Convention on the Non-Applicability of Statutory Limitations to War Crimes and Crimes against humanity, Article (2) ah, War Crimes le Crimes against humanity nawlbuartu hna ahuhphengtu, forhfialtu le cohlangtu bu, pumpak, cozah hna cu sualtuahtu hna he Sualphaw an si ve lai tiah ati.

VI. Cucaah, Pu Mang Cin thihnak hi, Nuhrin covo nawlbuarnak, Crime agianst humanity le War Crime asi caah Lainawngtu hna le lainawnnak ah aa pehtlaimi hna dihlak nih mawhphurhnak an ngei. Pu Mang Cin hi chambaunak le umtu nuncan thiamlonak zong a ngei ve mi asi ko lai. Asinain, thah atonnak kong ah thihnak tlak in a sualnak le a palhnak a um hrim lo. Pathian tu nih dingthlu lairel hram ko seh. Pehtlaihnak: (Pu Thawng Hlei Mang, Chicago, USA, onanthawng@gmail.com

Author: admin