Ralhrang He Kahdoh Nakah Khuami  Minung 30 Leng An Thi

Lungfak tuk asi ko, Sagaing ramthen Depeyin peng, Satpiacin khua I July 2 I Mipi vengtu PDF le Ralhrang hna kah doh nakah ahmunhma I aum mi minung 30 leng an thi tiah theih asi. Hi kahdoh nak kong I PDF lei nih an thanh ningah cun July 2 ah khan voi 2 kah nak achuak i ralhrang lei hi minung 180 hrawn an si I hriamngam deuh lawngte an hman.

Atu kahdoh nak ah Mipi lei athi mi hi minung 31 ruak char asi i hi ruak ah hin PDF lawng si lo in khuami zong an I tel tiah July 4 ah khan an chim. Kahdoh nak hi July ni 2 ah asi cang ko nain ruak pawl  hi July lawng ah ruak hi an kawl khawh hna I Mipi le PDF hi thleidan khawh an har cang.

Atu bantuk in mipi veng tu an thih nak hi an hriam nam aathlau tuk caah asi. PDF lei hi  Tumi(puakceh) meithal an I tlaih I ruahpi asur caah an hmang kho ti lo  hi ruangah athi mi le hliam mi an tam hi asi tiah an langhter.Ruak kawl dingin a kal mi hna cheuhkhat hna cu phungki diangin I aum mi hna nih hriam ngan in an rak kah hna. Cun athi rih lo mi minung pa 6 hna cu an ke ah kal kho lo dingin an kah hna I an tlaih hna hnu ah hmunkhat ah an pumh hnai an lu cung meithal par an hmuah I an kah hna tiah PDF he aapehtlai mi pakhat nih cun achim.

Dipeyin kahnak ruangah hin apawng kam khua 10 in minung thong10 leng cu an zam cang I Ralhrang hna nih ramlak zongah hehtiah an kawl cuah mah hna i, an hmuh hna ah cun kah ding an si caah kum upa tar deuh pawl cu har nak fak taktak an tong hna.Ralhrang hna nih hin khuami  nih kan ttih hna she tiah hriamnam fak pi in an hman I an tlaih mi poah rak pi in an hrem/ an thah hna. Cu caah hralhrang pawl cu piohcia(neihthlem) bantuk in doh ding an si tiah khua mi pakhat nih cun achim. Source: Myanmar Now

Author: Main Editor

Leave a Reply

Your email address will not be published. Required fields are marked *