Ralhrang Hna Nih Nawlngeih Nak An Hmuh Khawhnak Caah Covid-19 Cu Hriamnam Bantuk In An Hman (NUG)

Atu lio khuacan I Myanmar mipi nih covid zawtnak in thih an tih cio lio can ah nuhrin covo asi mi I thlop nak cu alam kip in an kham mi cu mithmuh kut tongh in hmuh khawh asi tiah NUG nih cu achim.

Cun atu lio ah mipi hna caah tlikzam nak hmunhma aum lo I an lunghthin chungah daihnak/himnak um loin nifatin in lungretheih vansang au in an um mi zong kan hmuh khawh hna tiah an ca chuahmi ah cun an langhter.Atu ah thonginn chungah aum mi hna cu Covid zawtnak aachawn mi an karh I athiding dirhmun tiang aphan mi an tam cang tiah thawngpang fekfuan cu kan theih tiah an NUG nih cun an chim chap.

Ahlei ce in adik lo ning in tlaih mi hna cu Covid zawtnak na kai I anthih nak tiang in ralhrang hna nih cun an timh tuah hna I cu caah ramkhel ruangin thong atla mi hna cu covid zawtnak in an thih nak hnga lo le an ngandam nak caah tha tein zohkhenh khawh an si nak hnga caah aran khawhchung in luatter hna ding ah NUG nih an theih ter hna.Cu asi loah cun aralai mi thil acang mi poah cu ralhrang hna nih tuanvo an lak dih lai I minung lungthin keng loin cawlcangh nak vialte cu mipi duhning le phung he aatlak ning in faktaktak in dantatnak kan tuahlai tiah ralrinpeknk thawngthanh nak ca an chuah. Source; BAP

Author: Main Editor

Leave a Reply

Your email address will not be published. Required fields are marked *