Ralhrang Kut In A Nunnak A Liammi Pu Rual Cung An Thlai Ning Le Athi Tiah Thawng An Thanh Hna Ning  Thawng Athanh Tu Hna Nih Hin Laiholh Tein Athanh Hna.

Pu Rual Cung cu Hakha peng Hniar Lawn khuami a si. Oct 12, 2021 ah khan lo ah a kal i a tlun leiah ralhrang nih an tlaih. An tlaih in thlakhat a rauh hnu, Nov 8, 2021 ah a chungkhar sinah kawl ti hlah u, a thi cang tiah ralhrang nih thawng an thanh hna.

Ralhrang hna nih an tlaih nak hi Inn pawng I dum an tuah mi a ava zoh I arak kir leiah kah doh nak thawngpang an theih lio midang hi anzam dih I azam kho lomi putar le pitar hna inn ah ava lut u aluhnak inn cu ralhrang ah cun ralhrang nih an lut hnawh I CDF na si an ti I an akeng ah alamh, cu hnu ah cun amit an hmuh I an kal pi hi asi tiah anu pi nih cun achim.

An tlaih hnu in thlakhat aruah hnu ah apa sin ah na fapa cu athi cang ralkap pawl nih an tuk an velhnak ah athi cang kawl duh len ti hlah tiah phone in an chawnh. Phone achon tu hi ahi asi zong an thei lo aphone no zong an thei lo nain Lai holh(Hakha) holh tein a kan chawnh tiah anu pi nih cun achim.

Amah a theifiangtu hna nih Pu Rual Cung cu mitha, mifel le Pathian a tihzahmi a si. Khrihfabu lei zongah hman ngaimi a si tiah an chim. Covid zawtnak a um hlanah khan lettama tuan in a chungkhar a cawm i a zohkhenhtu a si. Covid a um hnu le ram a buai hnuin cun rian tuần awk a har caah ramtang ah meihol rawh in chungkhar cawmnak a kawlhawlmi a si.

Pu Rual Cung nih fa pathum a ngeih hna. A nupi le a fale cu ngaihchiatnak, lungfahnak, hnabei donghnak le lungretheihnak nih chum bangin a zelh hna. An pa a um ti lo hnu fale zohkhenh le khuasak tintuknak kong a ruah tikah “van ka zoh ah a sang, lei ka zoh ah a pit” timi dirhmun an phan.

Cucaah Pu Rual Cung nih a kaltakmi a nupi le a fale pathum hna caah kanmah ti khawhtawk cio kutsamh dingin Jesuh min in kan in sawm hna. A tlawm,tam ah khan si loin dawtnak le zawnruahnak lungthin he na kut na samhmi cungah kan i lawm tuk ko hnga!

An ca i kutsamh sawmnak hi Pu Rual Cung a nupi le chungkhat rualchan hna lungtlinnak le hnatlaknak tein kan vun tuahmi a si. US ramchungin bawmh a duhmi hna caah tangka kuatnak Zelle number kan chiahmi zong hi TCP tuanvongeitu number si loin Pu Rual Cung chungkhat number a si.

Kutsamh ve a duhmi nih tangka kuatnak ding cu.
Thiang Cung: 3173891091 (US)
Tha Chin: 0475436647 (Australia)
Siang Lian Tum: 821046717003 (S.Korea)

A cunglei number kan taarmi ah pehtlaihnak a remcang lomi kan um ahcun kan page inbox ah hal khawh peng kan si. Kutsamh caan hi Nov 30, 2021 tiang onh a si lai i mah chung i kutsamhmi cu a dihlak in Pu Rual Cung nih a kaltakmi a chungkhar sinah kuat a si lai. Note: Australia le S.Korea hi tangka kuatnak si loin kutsamh a duhmi nih pehtlaihnak number a si lai. Tlawmte kan timi kha mi pakhat caah cun tampi a rak si tawn. Mi tampi nih an hmuh cio nak lai rak share ve mu.Cabia Laknak the Chin post

Author: Main Editor

Leave a Reply

Your email address will not be published. Required fields are marked *