Ralhrang Mihman Dalaan Minung 3 Le Meitla, Le Kuan He Anung Buin An Tlaih Hna

Ramthen, Palaw Peng, Mikyaungtaik khua pawng ah PDF hna nih Dalaan/pyusawhtee 3 anung bu in an tlaih hna i meithal zuun 8 an tlaih an tlaih chih hna. October 21 in 24 tiang i ralhrang le PDF pawl kahdohnak hnu ah PDF pawl nih hmu hma an va zoh fel lio ah meithal zuun 8, kuanfang cheukhat, tangka tlawmpalte le pyusawhter 3 an tlaih hna hi asi.

Hi kahdohnak ah Palaw PDF, LPDF le PRPDF i bawm in an kah mi hna a si, tiah KTM nih a tial.  Ni 4  chung kahdoh nak ah ralhrang ralkap lei in rank sang ngei 1 telh in minung 6 hrawng an thi minung 20 hrawng nih hliam an tuar tiah theih asi.

Cun thawngpang dang deuh ah….Minmu le Sagaing ah Kawl ralkap pawl bomb an puahhnawh hna, motor 2 rawk, 10 leng thi; October 27| Monywa in a ra mi Kawl ralkap pawl cu Minmu Peng ah voi khat, Sagaing khua pawng ah voi khat tiin bomb an puahhnawh hna i an motor 2 a rawk, minung 10 renglo an thi, tiah kan theih. Bomb a puahhnawhtu hna i mizei phu an si a fiang rih lo. October 27 zingka ah a si i motor 13 chung ah 2 a rawk, 10 renglo an thi, tiah KTM nih a tial.Phungluutlo thingphur motor Kawlin PDF nih mei in khangh October 25 lio, Kawlin Peng ah phungluutlo in thing a phurtu ke 12 ngei motor pakhat cu Kawlin PDF nih mei in an khangh, motor khaaltu cu an thlah cang, tiah theih a si. Kawlin Peng ah thinghau, fir le pawngkam rawhralnak a tuahtu cu fak piin dan kan i tat hna lai. Tutan motor kan khangh mi hi zohchun ding ah kan tuah mi a si, tiah Kawlin PDF nih an thanh. Credit; Khit Thit Media

Author: Main Editor

Leave a Reply

Your email address will not be published. Required fields are marked *