Ralhrang ralkap tampi an thi than hoi

Pansai peng chung ah MNDAA le ralhrang kar kahdohnak ah ralhrang minung 5 an thi August 3 ,thok in ni 5 chung ah Shan ramkulh Musee pengkomh, Pansai peng chung ah ralhrang phu hna le MNDAA ralkap kar ah kahdohnak a chuak i, ralhrang lei in Duh-Tat-Yin-Hmu,Duh-Tat-Khuai-Hmu tel in minung 5 an thi tiah Kokang thawngzamhnak The Kokang News nih a langhter.

Khah-Mah-Yiah 575 le Tatmat-99 le Khah-Mah-Yiah 79 in minung thazaang 30 hrawng tel mi ralhrang phu cu Pansai khua MNDAA Kokang hmunhma chung ah an rat caah kaphnih kar kahdohnak a chuah hi a si.

 

Kahdohnak ruang ah Pansai khua pawnghrawng ummi khua chung ah hriamngan tlak in a puah caah mipi lei in minung pakhat a nunnak a liam , khua chung inn hna zong an rawk , khuami hna zong Tuluk ramri lei ah kal in an zaam tiah Kokang thawngzamhnak nih a langhter. #Khit Thit Media

 

Laitlang covid thawngpang… Falam ah kum 65 cung upa COVID-19 raikhamsii an chunh hna lai.. Falam ah kum 65 cung upa hna cu a ralai mi August 9 ah COVID-19 raikhamsii (vaccine) an chunh hna lai tiah kan theih.

 

“August 9, 2021 (Cawnikhat) Falam Sii-inn pawng NTS Hall thar ah zinglei 10:00 AM in COVID-19 raikhamsii chunh a si lai. Kum 65 cung papek in chunh a si lai ca ah Falam khuachung lawng si loin Laikhua lei zong nih rak i chunh khawh a si,” tiah Falam Siibawipi Dr. Tluang Cung Thang nih a chim.

 

COVID-19 raikhamsii i chunh lecangka Paracetamol tlang khat le ti din a tha ti a si ca ah sii chunh aa tim mi nih Paracetamol le tidur i ken cio ah a tha tiah Chinland Herald DAILY News nih a langhter.

Author: admin

Leave a Reply

Your email address will not be published. Required fields are marked *