Ralhrang Va Bawmh Dingah Akal Mi Ralkap Pawl Cu KIA Nih An Rak Phomh Hna

Phankan Myone hrawn i aum mi ralhrang sakhan hna cu KIA nih an lak cuahmah hna I cu ka lei vabawmh dingah akal mi Min Aung Hlaign Ui pawl cu KIA nih an phomh thanhan. Ralhrang sakhan pa 3 cu an lak cang I cu hnu ah cun Ralhrang pawl hi an thazaang vachap ding in an kal lio ah lampi in an rak thuat hna hi asi tiah KIA biachim Col., Naw Bu nih cun The 74 Media sinah achim.

Kahdoh nak acang cuahmah chung hin hriamngan thawng cu dai lo in kan theih thiah khuami nih cun an chim. Kan theih kaa ah cun acan te ah khin voikhat te khi kan theih i cu hmu tlawmpal ah cun dai ti lo in a ring thlauhmah cang asi nain khoika lei dah atlak ti cu kan thei kho lo tiah achim chap.

KIA nih hin Nanchian pawngkam I ralhrang sakhan pa 3 an kah I Aung Len sakhan cu an lak cang. Phakan khuapi zongahhin hriamngan thawng kan theih thiamthiam i cun zinglei sml.8 hrawng in chun sml.11 tianghrawng kha ralhrang vanlawng pa 2 an zuang tiah theih asi. Internet an phih chung vialte hi Kachim ram kulh ah cun thawngpang adai I Nov13 in kahdoh nak hi aathawk than tiah  theih asi.

Nihin November 14 zinglei sml. 7 hrawng in Phakan myone chung i aum mi ralhrang sakhan 3 cu KIA nih voikhat ah an luh hnawh I an kah hna caah kahdoh nak faktuk in achuak caah SAC ralhrang hna nih Jetfighter in an kah hna. SAC ralhrang sakhan pawl an kah hna hnu Sml.2 arauh ah khin Jetfighter in an rak bawmh hna hi asi, asi nain kahdohnak kongkau dikhliar in thawng kan than kho rih lo tiah KIA chim nak nawl ngei tu Col., Naw Bu nih cun achim. Tuzing sml. 7 ahkhan ralhrang sakhan pa 3 kan kah cu hnu ah Jetfighter in an rak bawmh hna I an kah kah ti tiang lawng hi thawngpang arak kai rih tiah achim chap.

Cun Phakan in Chaklei meng 10 ahlat nakah tuzing thiamthiam ah kahdoh nak achuak i SAC ralhrang sakhan Aungliang sakhan, Saicia sakhan hna cu KIA nih an lak tiah Phakhan um mi pakhat nih cun achim. Hi I kah nak ah ahin SAC ralhrang lei athi mi an tam I an hriamnam zong tam ngai an piak hna. KIA nih SAC an sakhan an lak lio ah hin hmun I aum mi SAC ralhrang hna nih hna hriamngan(miakpi) in an rakbawmh hna hnu ah, atubantuk in Jetfighter hmang in an rk bawmh hna hi asi

Author: Main Editor

Leave a Reply

Your email address will not be published. Required fields are marked *