Russian Le China Zong Nih Mah An Ttanpi Ti Lo

ASEAN cu EU le US nih fak ngai in an von nam hna i, ASEAN nih a tuar ti lo i, MAH talhrang cu fakpi in an von reh chin ve caah, MAH ralhrang cu a thin a phang i, a tlaih ciami minung 5,000 a chuah hna.

UN ah hmunhma a ngei ti lo. ASEAN in hnawn a si rih ahcun, International ahcun a dih. RUSSIA  hi aa bochan nain, Russia nihcun an hriamnam zuarnak, Market lawng ah a duh. China hi aa bochan ngam ti lo. Zeicatiah, China nihcun, Myanmar ram a buai nakin, buai lo tein a ummi ram a si hi, a duh deuh. Zeicatiah, MAH ralhrang nih Myanmar economic an tlakter ruang ah China zong Phaisa millions in a sung.

Cun, China foreign policy zoh tikah, Vawleipi hi economic in a uk ngai cang caah, Myanmar ram hi Ralkap nih an uk zong ah, Democracy ram a si zong ah a caah aa dang ti lo. Democracy ram a si ahcun, China caah a hlawk deuh lehlam cang. Cucaah, China foreign policy expert nihcun, Myanmar ram aa thleng hi a duh deuh ngai tiah an chim cio.

MAH nih anaa a rak lak lio ahkhan Kan pale nih aa chuahsual an ti ciomi kha a dik chin lengmang. Vawlei politics hi a rak hngalh hrim lo. A rak molh taktak ti kha a fiang chin lengmang. Anaa a rak tingmi hmanh hi, aa ngaihchih ngaingai cang lai tiah ka ruah.

“Palhnak/ mistaken” nih thil tampi a thlen. A lu thaw a leh zungzal. MAH palhnak nih Kum 70 chung an dirhmi “Tatmataw’ a dihter lai tinak a si. Cucu, MAH caah thawng chia, Myanmar ram Mipi caah good news a si. By Zasang Cinzah

Author: Main Editor

Leave a Reply

Your email address will not be published. Required fields are marked *