Salai Lungthli Tum nih Vabeihlo nupi le fale caah tangka a bawmh mi hna cu a tam tak tak

Salai lungthli Tum hi thil dik a duh mi a si caah mi tampi nih soisel le thangchiat a si. Thil dik a kawl caah ram le miphun caah rian tuan tu hna kha a doh tinak a si lo. Ram le miphun caah rian tuan mi hna cu ding fel tein rian tuan seh ti a duh caah si i, a lungput hi kan thei thiam piak a her ngai

A kan liam tak mi Saya Vabeilo nupi le fa le caah kawlram in 5,000,000 cu a kuat hna.

Mah bantuk in mi cungah zaangfah a ngei mi chinmi nih kan ngei mi zong hi Pathian thlachuak a si ti kan thei thiam a her.

Salai Lungthli Tum nih a tial mi vun rel chap….Salai lungthli tum nih a tial mi a dik ngai mi cu….2021 Nobel daihnak laksawng: a sunglawi hringhran ko Vawleicung laksawng lakah tihzah bikmi 2021 Nobel daihnak laksawng cu Philippine journalist Ms Ressa le Russia journalist Mr Muratov nih an ngah. Thihphaihnak lakah tihnak ngei loin a dikmi thawngpang poah poah mizapi sin an phuan ngam i zalawng tein chimphuan khawhnak ‘freedom of speech’ an dirhkamh caah hi laksawng sang bik an pek hna hi a si.

Ms Ressa hi Philippines President Duterte a riantuannak a dik lomi vialte le a nawlngeihnak ningcang loin a hmang i minung tampi a thah hna nak kong vialte a phuang lengmangtu a si.

Duterte tanpitu nih cun ram rawitu tiah an ruah i thah an duh, ‘kan in thah lai’ tiah an tlerh tawn. Duterte cozah zong nih taza an cuai lengmang mi a si.

President Duterte a sualnak vialte a phuan piak lengmang i nai kha Duterte cu politics in kai din cang lai a ti beh (adikmi nih teinak a co). Mr Muratov zong hi Russia ah Putin cozah an eihmuarnak vialte a phuang dih lengmangtu a si. A riantuanti hawi 6 thah an tong cang, amah zong thah ding an tlerh lengmang ve.

Nain, tihnak ngei loin a dikmi thawngpang kha mipi sin ah a thanh zungzal hna caah daihnak laksawng sang bik an pek ve hi a si. Laksawng phaisa $1 million an ngah, an i cheuh lai tinak a si. Suu Kyi nih 1991 kum ah a ngah vemi bantuk kha a si.

Nawlngeitu an sualnak phuan hi misual le a tanpitu hna nih cun ‘buainak le thenchenak’ chuahpi tiah an ruah. An sualnak a lang dih ding an tih caah a dikmi a phuangtu hna kha an rem hna lo, thah ding an tlerh tawn hna. Nain, a sualmi an sualnak phuan piak khawh lawng ah dinfelnak a um kho i daihnak le i remnak a leng. Cucu tutan Nobel Peace Prize nih fiang tein a langhter.

Author: admin

Leave a Reply

Your email address will not be published. Required fields are marked *