Shan PDF Zong Antho Ve Cang Ralhrang An Tli

 July 15 Shan ram tlanglei MaiNawng(မိုင်းနောင်)le Duza(ဒူယာ)ah a rak kai mi Kawl ralhrang pawl cu Shan -PDF nih an bawh hna i an kah hna tiah a pawngkam i aum mi pakhat nih a chim tiah NBung Dat Kasa – Kachin Multimedia nih a langhter.

Shan PDF nih an kah hna i Kawl ralhrang motor pakhat a rawk ii a khawng mi le hliam a tuar mi an tam caah rallokap pawl cu hnu ah an tolh tiah thawng theih a si. Hi an i kahnak ah Shan PDF a dir in a voikhatnak an i kah a si i teinak an hmu tiah kan theih tiah a langhter chap.(Thawngpang dang)… Ni 15 Chungah KNU Brigade-5 Le Ralhrang Kahdohnak Voi 37 A Um, Ralhrang 31 An Thi,  Karen ramkulh, KNU Brigade-5 hmunhma a simi Mutraw pengkomh (District) ah July 1-15 chungah KNU Brigade-5 le ralhrang kahdohnak voi 37 a um i ralhrang 31 an thi tiah KNU Brigade-5 nih a thanh.

Ralhrang lei ahhin ramri cawng ralkap BGF zong an i tel. Ralhrang lei hliam a tuarmi 42 an si. Cun BGF ralkap pakhat cu KNLA sinah aa fonh. July 15 kahdohnak ah KNLA lei pakhat hliam a tuar, a thimi cu an um lo tiah theih a si. Hi kahdohnak chungah ralhrang lei nih cun khuami nih lo/leikuang an tuahmi cu hriamngan in an kahpiak hna, khua chung zongah hriamngan an puah, khuami aa chawkvak sawhsawhmi hna zong a huaha lo ah an kah hna tiah theih a si. Cun khuami nih an zuatmi satil, meheh 4 le naa 2 an thah i an ei fawn. Khit Thit Media

Author: Main Editor

Leave a Reply

Your email address will not be published. Required fields are marked *