Share Cio Uh Hakha Le Sakta Karlak Ah Dalaan Nganpi Aum Hih

 Atu tan ralhrang uknak chiahru dohnak ah Chin mi ka sungh le kan tuarbik nak aruang cu dalaan mirawi tu mi biathli chim phuang tu ruang ah hin asi bik. Kan mino thatha le pasal thatha bochan mi hna nih ralhrang teinak lam an kawl cuahmah lio ah athli in ralhrang leiah, zeimaw ruahchan mi he an tan tikah ralhrang nih kan pasal/nusal tha hna le mipi tampi an tlaih hna an nunnak tiang an lak hna.

Cu caah Dalaan hi cu lo ko in fim ah atha, atu Mah U lay Gyi account hmangtu pa hi kawl asi nain Laiholh a thiam pah ngai cang mi asi ti asi, A mah hi Dalaan ngan bik asi kan Chinram chungah Hakha le sakta kar hrawng ah lam rian a ṭuan mi a si tiah theih a si, mah mipa hi tlaihkhawh lo ahcun Chin mipi a kan hloh dih lai. Source: Joseph pengcinthang fb

Nizaan November 6 ah Hakha, Dauchim lam ah SAC ralhrang nih kum 50 a simi pa pakhat an kah caah hliamhma a pu, tiah thawng kan theih. Nizaan zinglei sml. 9:45 hrawng ah Khuangthlak chak ah an i kap. Sml. 11:00 hrawng ah SAC ralhrang pawl nih Dauchim lam in an hngah i an hmuhmi paoh an tlaih hna.

Meithal in kah a tongmi pa hi motorcycle hnulei ah aa pherhmi a si. SAC ralhrang pawl nih lam an conghmi an hmuh tik ah an lau i cycle an mer than. Mah lio ah cun an kah hna i a ttawk ah an khen,” tiah khuami pakhat nih thil sining a chim.Meithal in kah a tongmi pa hi a hliamhma he a zaam kho. Dauchim lam ah SAC ralhrang nih an hmuhmi paoh an tlaih hna i pa 19, nu 6 le ngakchia 3 tlaih an tong, tiah a cunglei khuami nih a chim. Hakha Haithlan ah Kawl ralkap nih bomb le meithal an puah, khuami 2 an tlaih hna;

Nihin November 7 zaan lei suimilam 3:30 PM hrawng ah Ralhrang nih Hakha Haithlan ah meithal le Bomb an puah tiin khuami pakhat sin in kan theih. Dalaan nih Haithlan ah CDF an um tiin a chim hna caah Ralkap an ra. A ra mi an tam ngai. Meithal tamlak an puah. Bomb voikhat an puah. Khuami pahnih an tleih hna.Tin Tin Pa te inn zawng an bauh i thilri zawng an lak” tiah khua mipakhat nih The Chin Post ah a chim. An tleih mi hna pahnih cu ho an si theih asi rih lo. 3:30PM hrawng Hakha thar lam ruk ton nak zong ah Ralhrang nih meithal an puah sawh sawh tiin Hakha thar khuami pakhat sin in kan theih.

Author: Main Editor

Leave a Reply

Your email address will not be published. Required fields are marked *