Sipin Zung Ah Bomb Apuak  Datsi Chiatnak Akang

  Mandalay I Sipin zung chungah July 14 zing sml.6 luanhrawng ah bomb apuak I datsi phurh motor pawl akang tiah theih asi. Hi bomb puak thawng cu athang tuk, voi 3 hrawng apuak in mei akangh chih, Sipin zung chung ah asi I minung ahliam hna le hliam hna lo kan theih kho lo tiah khuami pakhat nih cun achim.

Minutes 10 hrawng mei akangh ah khi meithat pawl an ra in mei hi athah kho than. A tu ah Mandalay khuachung hmun cheuhkhat ah cun ralhrang motor pawl an I tlarhna I timhcia bakin lam cheukhat hna cu an khamdih tiah Mandalay khuachung um mi nih cun Yangone khit thit media sinah an chim. Source; Khit Thit Media(Relchap)…Lung Afak Hringhran Ko Mu Sualnak Ngeilo Kum Tlinglo Minung Pali An Thah Hna ; Tamu district ah ralhrang nih mino 6 cu July ni 10 lio ah khan zan sml.10 hrawng ah Minta pawng I hlei cung ah an rak kah hna I ahmun ah minung pahnih an thi colh cun minung pa 3 an tlaih hna I pakhat cu an la in tli kho I aluat.

Hi tlai mi hna minung 3 cu Minta hrambunh ralhrang sakhan ah an kal pi hna I tu ni July 12, 2021 ah khan minung pakhat  Mg sat min lwin timi pa apaw ah afak loin hliam mi palawng arak luat I adang pa hnih hna cu an thi tiah chungkhar sinah thawng an thanh hna.Khuami pakhat nih achim ning ah cun, atu I an tlaih I an than mi hna hi kum 14 kum 15 hrawng minung te lawng an si rih. An kah hnanak hmun I athi mi hna cu an ruak kan lak hna I, atu I ralhrang sakhan I athi mi hna tu cu chungkhar hna sinah an ruak an pe hna lo ralhrang  hna nih vawlei ah kan phum hna tiah an ti, tiah achim.

Atu I thil acang mi ruangah hin Tamu peng I mipi chiatthat zohkhen nak bu nih July 11 ah khan  cathanh an chuah. Hi an cathanh an chuah mi chungah hin ralhrang nih hriamnam ngei lo mipi hna cungah ningcang lo in tlaih le thahnawn nak nan tuah mi le miphung cungah buainak chuakseh tiah nan tuah mi hi nan nawl lo asi ah cun ara lai mi can I thil acang ding mi kong ah zeihmanh tuanvo kan la lai lo ti pawl aa tel.Ralhrang nih hin aluan cia July ni 1 zan ah khan Lei rian tuan nak in arak tlung mi khua mi pa hnih hna cu India SIm Card nah man tiah an rak ti hna I an tlaih hna, cun Lampawng ah bia aaruah mi minung pahnih zong India sim card nan hman an rak ti hna I an mit an khuh hna I an tlaih cang hna. Tamu lei hi cu India he ramri an si caah Myanmar Sim le India Sim apa hnih in an hmang kho hna. Source; Zalen

Author: Main Editor

Leave a Reply

Your email address will not be published. Required fields are marked *