Sual Ngaihchihnak A Ngeilomi Cu, Mizeihmanh Hrinthanmi An Si Kho Lo

SUAL NGAIHCHIHNAK (SUALNAK MER TAKNAK) UMLOMI ZUMHNAK CU ZUMHNAK DEU ASI- Laimi Khrihfa kan rawhnak le kan hrulhnak cu SUAL NGAIHCHIHNAK umloin ZUMTU kan tamtuk caah asi. “Kei misual caah Jesuh athi, a thawhțhannak ah ha thothan ve” tiah kan zumh kan hei ti ve ko nain “SUAL NAIHCHIHNAK TAKTAK” umloin kan zumh caah kan ram a rawk dih cang. Laimi kan dihlak ngawtin Bee hrulh hmin kho tilomi bantukin kan zumhnak le kan ziaza a hrulh dih cang.

(1) BIBLE NIH SUAL NGAIHCHIHNAK KONG CHIM DINGIN A KAN FIAL

  1. ▪Luke 5:32 “misual mi tu kha, i ngaichih u tiin kawh awkah ka ra,” tiah a ti
  2. ▪Luke 24:47 “cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa țial.
  3. ▪Act 3:19″Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.
  4. ▪Luke 24:47 “cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai”
  5. ▪Act 20:21 “Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna”

(2) BIBLE NIH RALRINNAK A KAN PEK

  • ▪1Cor 6:10 “mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo”
  • ▪ Eph 5:5 “Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).
    ✍Kan Laimi Evangelist le Pastor nih Mifir le hakkau le zuri mi cu vancung pennak an co lai lo tiah ralțha tein an kan chim ngam bal lo. Mifir, Zuri le nulepa sualnak a tuahmi zong Pathian vel thawngin vanram kaiding phunphai in an kan nawnnok.
  • Cucaahcun Sual tuah zong hi kan tih setsai ti lo…Minung pei kan si cu kan hei ti i kanmah le kanmah tu kan hna kan i ngamh. Sualnak tuahnak ahcun kan ngamh asang ngai…Pathian vel kan hei ibochan rih.
    Bible nih vancung ah an kai lai lo a tiahcun an kai lai lo ti ding asi ko. Cucaahcun Nan SUALNAK i NGAIHCHIH U, NAN i ngaihchih lo ahcun Hell ah nan kal lai tiah Bible ning tein Kan Saya pawl nih an kan cawnpiak awk asi. Ralrinnak an kan pek awk asi.

(3) SUAL NGAIHCHIH TIMI CU SUALNAK KHA MERTAK ASI ( SUALNAK HUAT ASI/THINLUNG THLENG ASI)- ▪Act 17:30-31″ Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan țhalo kha MERTAK cang hna u, tiah a ti hna. Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu biatak a si ti kha mi vialte sin i langhternak caah cu mipa cu thihnak in a thawhter,” tiah a ti.

DONGHNAK- Sualnak zong i ngaihchih duhlo, mertak duh lo, sualnak tuah zong apoi tuk ah ruat lo mi LAIMI caah Baiceih awk ah Jesuh cu thawhter asi hih. SUALNAK mertak lo le Sualnak i ngaihchihnak umlomi Laimi tam deuh Khrihfa kan zumhnak cu ZUMHNAK DEUH a si ko. Cucaahcun pei Khrihfa ram kan i ti zongah Sualnak a karh chinchin nak asi fam cu. Biadik kan chim lo ahcun zual chinchin lai. David nun kha i cawn hna usih!

  • MARK 1:25- “Nan sualnak kha kaltak hna u law Thawngțha kha zum tuah u,” tiah a ti hna.
  • 1JOHN 1:9 “Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai”
Author: admin