Taal khua Hrawng ah Ralhrang An Cam inn Tam Ngai an khangh Cang

Nihin October 25 zinglei ah Falam Peng Taal khua inn 7 Kawl ralkap nih an khangh i Falam peng chung lawng ah hin inn 30 an khangh cang tiah kan theih.

Hi Kawl ralkap pawl hi kan khua Thlanrawn lei ah an ra lio. Kan khua inn a taang mi an khanghchap sual lai tiin kan thin kan i domh. Taal le Thlanrawn caah thla kan campiak ulaw, tiah Calvary Thang nih a facebook cahmai ah a tial. Kawl ralkap nih Falam Peng ah Rialti khua inn 10, Thlanrawn ah inn 13 le Taal ah inn 7 tiin an khangh cang, tiah kan theih. Credit: The Hakha TimesCapar dang… Ral Kan Doh Tikah Kan I Zoh Chun Ding Cu Bible BAWIPA BIA Hi A Si. Nan thin phang hlah u, nan lung dong hlah u. BAWIPA cu nan sinah a um lai tihi a si. 2 Chanrelnak 20:⁠17. Nan Thin Phang Hla U: Timi sullam cu na hmaiah ral ṭihnung nih an fuh lai, na hnu in ral ṭihnung nih an dawi lai ti khi a si. Cutikah na thing a phang lai lo mu ti dahawh a si cu.

Nan Lung Dong Hlah U: Ti sullam cu na doh cuahmah mi ral kha fawi zaangte in na tei lai lo. Harnak tampi na ingte lai ti dahawh a si cu. Teinak dingah Bawipa cu na auh lai i, “Bawipa nih zeitik i an leh te lai kha hngalh a si lo, a ni a rau kho, a thla le a kum tiang hmanh a rau kho cutikah lung dongin um lai cih mu tikha dahawh a si cuh. Cucaah na thin phang hlah mu, na lung dong hlah mu timi BIA cu teinak kan peek lai hih, tikhi dahawh a si cuh.Asina belin ral ka doh tikah kan tei hnga maw? tiah lung awṭawm in um kha BAWIPA nih a duh lo. Cun ral he i doh tikah “Akhan nih thil sual thilṭha lo a tuahmi pakhat a um. Cucu BAWIPA nih a duh lo caah, Akhan pakhat ruangah Israelmi cu Aikhua nih Lung leh in an rak leh ko hna tikha kan hmuh. Cutikah amah cu Israel mi dihlak nih Lungin an cheh an thah hnu lawgah Aikhua cu BAWIPA nih a teiter ṭhan hna. Akhan pakhat ruangah Israelmi dihlak nih harnak tampi an tong an rak sung thai dengmang te. Joshua 7:1.25 Ral ṭhat tuk le lung dongh lo lawng a za lo (Dinnak felnak hi) Bawipa nih a zoh bik mi a si tikha kan philh lo hi a biapi tuk hringhran ko. BAWIPA NIH TEINAK A KAN PEK KO LAI.

Author: Main Editor

Leave a Reply

Your email address will not be published. Required fields are marked *