Ta’ang National Liberation Army (TNLA) Pawl An Cawlcangh Ning Cu Uar a Um Tuk Cawn Awk Tlak Bak Ansi

Ta’ang National Liberation Army (TNLA) pawl ralhrang thazaang zorter dingin ah an cawlcangh ning cu  uar an um kho tak tak si, cawn cio ding zong ah aatlak.

Ta’ang National Liberation Army (TNLA) pawl nih an mah nih uk mi hmunhma ah ralhrang he aa pehtlai mi thilri vial te cu June thla dih in nan zuar ti lai loh, tiah an ti I hi nan zulh lo ah cun dantat nan si lai tiah an ti hna.

June 15 ah khan TNLA phu I akung(tax) zung lei nih Ta’ang (palawng) caa in nawl an chuah I  khuapi kip  le khuate kip ah cu meting an auh hna I dawr ngei tu vialte sinah nawl an chuah mi cu an theih ter dih hna.Hi chung ah zuar/hman lo ding in an ti mi pawl hna cu Beer, Kuak, Coffee mix, Tea mix, Laphatchok, Tithlum(drink), Mirang vawlei(cement), Satpiat, Cawhnuk bu le adang thilri cun tlunkal nak motor cheukhat zong hman ti lo ding in an I tel.

Beer pawl ah hin, Myanmar le Dagon an I tel in Kuak ah hin Red Ruby, Premium Gold an I tel, cun motor cit loding ah hin Bandula, Shweman Thu, Tanmyanthu, Parami, lane pawl an si.

Hi tuah lo ding in nawl chuah mi azul lomi cu voi 1 ralrin pek nan si lai I a voi 2 nak nan zulh than lo asi ahcun dantat nan si lai tiah an langhter.

Hi nawl an chuah mi June 28 I ahmu tu Kyuatkai khuapi I thil zuar tu Nu pakhat nih cun atu dothlen nak ah  ralhrang pawl an chawleh nak le an tangka luh nak cu tampi a zorter ding asi caah TNLA pawl nih an chuah mi asi tiah a lung tlinnak achim ve.February ni 1 in ralhrang nih Uknak an lak hnu in ralhrang tangka luhnak lam pakhat asi mi  thilri pawl cu hman ti lodingin an rak aupi cang cun mipi nih kau deuh le hmualngei deuh in ralhrang chuahmi thilri he aapeh tlai mi paoh hman lo zuarlo dingin NUG zong nih tha apek hna. Source; Myanmar Now.

Author: Main Editor

Leave a Reply

Your email address will not be published. Required fields are marked *