Tedim an tuah ning bantuk in Hakha le Thantlang ah rak tuah ve u

CDM tuah mi hna rian hmun a lawng mi ah caantha la in riansok mi kan in zohsawh hna lai lo: TCSS
Tedim Civil Society Support (TCSS) nih Tedim Sii-inn ah CDM a tuah mi hna rian hmun a lawng mi ah caantha la in riansok mi kan in zohsawh hna lai lo, tiah an thanh.

Midang nih an hmuhcia mi rian kha kaltak in le nunnak thaap in hmailei caah tiin ral an doh lio ah a kaltak mi rian hmun ah caantha la in riansok mi hna cunkannin zohsawh hna lai lo. -CDM a tuah mi hna zawnruat loin rian na sok ahcun na umkalnak thil pakhatkhat nih an zulh lai (na tong lai).
-Rian a autu zong nih a rannak in kan fimpiak than u (ngol u).

-Nan riantuan ning hi SAC phu leitang nan si pin ah CDM a tuah mi hna nan dohkalh hna bantuk a si ca ah mizapi nih fakpi in dan kan in tat hna lai, tiah an thanh. -Riansoknak ca a chiatu hna mincazin zong mizapi hmuh ding in kan phozar lai tiah an thanh. Cre-THP

Thawngpang dang… CDM a tuah mi Mandalay Lecturer in Surgery Ralhrangbu kut in Covid in a nunnak a liam. CDM a tuah ruangah ralhrangbu nih an tlaih mi Mandalay sii-innpi in pumhlai thiam siibawi Dr. Maung Maung Nyein Tun (kum 45) cu thong chungah covid-19 zawtnak a chawnh ruangah a nunnak a liam tiah Mandalay siibawi hna sin in theih a si.

Dr. Maung Maung Nyein Tun hi thonginn ah zawtnak a chawnh ruangah Mangdalay sii innpi ah zohkhenh a si lio ah tuzing August 8 suimilam 6:38 ah a nunnak a liam tiah a nu Dr. Ma Ma May nih a mah social media cahmai ah a tar ve.

Dr. Maung Maung Nyein Tun hi Mandalay sii innpi le Thitaku sii inn zong rian a tuan mi a si i, ralhrangbu nih uknak an lak hnuah CDM ah a lut mi a si.CDM a lut hnu zongah a zohkhenhnak caah tangka a ngei lo mi mizaw hna cu man lo in operation zong a tuahpiak tu hna a si.

Ralhrangbu nih CRPH le NUG he pehtlaihnak na ngei, na bawmh hna tiin July 19 ah khan a nupi Dr. Swe Zin Oo (specialist) he an inn ah an tlaih hna i, Mandalay Palace biahalnak hmun ah an hruai hna hnuah Mandalay baho thonginn ah khumh an si.

Thong a tlak lio ah covid-19 a chawn ruangah Mandalay sii innpi ah chiah a si i, sii inn ah ni 10 chung a um hnuah a nunnak a liam hi a si. Sii inn chung a um lio ah Mandalay CDM siibawi pakhat nih ‘mi caah man a ngei tuk mi siibawi pakhat a si. Ralhrangbu nih tlaih hna hlah sehlaw mahbantuk vanchiatnak hi a tong lail o. Ralhrangbu nih an thah mi a si tiah a lungfah ning a chim. Ralhrangbu nih an tlaih ve mi a nupi Dr. Swe Zin Oo zong thonginn chungah covid-19 zawtnak a chawn ve tiah theih a si. Cre-TCP (
Ref; BAP)

Author: admin

Leave a Reply

Your email address will not be published. Required fields are marked *