Trump ttanhtu caah thawngtha si cang. Trump nih fiangtein a chim cang

Former President Trump bantuk in vawlei cung media le mipi nih a kong rel nuam a ti mi le a duh mi le duh lo mi kongah thawngpang a linsa tuk mi President a rak si cang mi le a si lio mi ah an um bal lo. Former President Trump nih bia le hla a vun ngei lo ahcun mi tampi cu Media zong an rel huam lo i,

News zong an zoh huam tuk ti lo. Republican lei in kum 2024 ah US Presidential Candidate ah Donald Trump nih cuh than a tim ngai i,

dam lonak ruangah Sibawi pawl nih i ding cang ko an ti lo ahcun kum 2024 Presidential Candidate cuh a tim than ti a chim.

Perry, Georgia Republican primary races ah midang caah campaign a tuah pi hna lai. Real America’s Voice host David Brody nih a chim ning ahcun, Trump telephone interview nak ah a cungah bia, “Damlonak ruangah a si lo ahcun president ka cuh than lai’

‘Well, I don’t — I guess a bad call from a doctor or something, right?’ Things happen. Through God, they happen. ‘But I feel so good.’ tiin a chim.

Democrat lei nih Trump cu US federal office ah zei rian hman a tuan khawh lo nak ding caah heh tiah a lam phih piak an si.

Natein nihin tiang cu zeihman an tuah khawh ri lo. former President Trump hi kum 2024 Presidential race ah a cuh than lai ti cu mi tampi nih an rak zum ngai mi  asi. Trump a cuh than loah cun US Election kong

cu rel huam mi an tlawm te lai tiah mi tampi nih Trump an uar ning langter duh nak in an chim pa tawn.

Kum 2022 ah House midterm election a um than lai caah a tu hi campaign heh tiah an tuah cuamah lio a si.

House ah nawlngeinak a tlaih tu hna hi an bia pi tuk caah atu hi Republican pawl nih nawlngeinak lak than ding in heh tiah an nih zuam cuamah lio a si. Democrat lei hi mirum an tam caah tangka lei ah an thazang a thawng  ngai mi a si. House ah Republican pawl nih nawlngeinak an lak than ah cun

Joe Biden le Kamala Harris thil tuah ning kan zoh than dih lai tiah an rak chim cang fawn. US midterm election hi a boruak a linsa tawn ngai mi kha  asi.

Georgia ah hin Candidate 3 caah campaign a tuah lai, House & Senate kum 2022 ah teinak an hmuh than khawhnak ding caah heh tiah rian tuan a tim ve cang. Kum 2024 ah White House ah White House ah teinak an hmuh duh ahcun, midterms a um ding mi ah hin heh tiah rian tuan an hau cang. Cre-RTK

Author: admin

Leave a Reply

Your email address will not be published. Required fields are marked *