US ralbawi bia chim mi ruangah President Joe Biden mual a pho tuk cang

Afghan kongah nihin tiang thawngpang a linsa peng. Congress Hearing- House Armed Services Committee, Afghanistan Withdrawal ah top US general General Mark Milley, chairman of the US Joint Chiefs of Staff cu bia halnak an ngei.

A chim ning ahcun, Si e, raltuknak ah a sungh tak tak mi cu kan si ko, ni 20 lawng maw, thla 20 lawng maw si lo,

biakhianak tampi kan rak tuah cang, zulh ding mi tampi a um. Mah bantuk dirhmun kan phan ahcun, ral/i dohnak ah kan sungh cang ti fiangtein thei khawh a si.

Kan nih tim mi Al Qaeda pawl cu kan tei ti a fiang. Natein a dawnghnak cu kan zum lo ning lawngte, kan dawnghnak cu a chia tuk. Zeidah kan tuah sual ti thatein kan zoh a her. Tha tein kan thil tuah ningah cawngh ding mi tampi kan ngei tiin a chim

Kum 20 chungah ral kan dohnak ah kan sungh ti a fiang cang. A dawnghnak ah Taliban pawl nih teinak lukhu an coh.

Afghanistan Withdrawal ah a ho hman, ralkap hruaitu pawl zong nih dik kan ti lo. Al Qaeda Leader Osama Bin Laden, Tora Bora ah fiangtein an that tiin a chim

Ralbawi Mark Milley le General Kenneth McKenzie, Commander of US Central Command nih Senate Committee sin ah Afghanistan ah ralkap 2500 cu um hna seh ti an duh ning

President Joe Biden sing ah ruahnak an cheu mi kong fiangtein hearing ah an chim cang. Mah kongah White House Secretary nih lehnak a vun tuah cawlh i,

White House Press Secretary Jean Paski, “Commander in Chief a si ning bantuk in kum 20 leng idohnak a um cang mi hi dawngter a duh tiin a chim. Cred-RTK

Author: admin

Leave a Reply

Your email address will not be published. Required fields are marked *