Vawlei cung ah a thawngbik ram US cu a maulpho chin lengmang ko

Vawlei cungah ram thawngbik tiah thei mi US zong, tutan thil a cang mi ah a mualpho tuk cang i, soisel le thangchiat lawngte si cang. Joe Biden cu foreign policy ah zeihman a si lo tiin US tuanbia ah President chia bik a si lai tiah mi tampi nih an chim. Polls tampi ah US mipi nih Joe Biden cu an zum lo tuk cang ti a fiang ngai cang

US Joint Chiefs chairman Gen. Mark Milley nih a chim ning ahcun, Afghan Kabul Airport a mi 200 leng thinak ah tuanvo a la tu ISIS-K pawl an dihlak in tha khawhnak ding caah US ralkap hmun ngan bik Pentagon le Taliban lungkhat tein rian an tuan ti khawh lai tiah a zum ning a chim

Mah bantuk in a chim hnuah mi tampi nih ceilak in US President Joe Biden le US ralkap bawi cu an soisel cang hna. US nih ralhrang a si mi Talian pawl hna cu rian a tuan ti pi lai maw, a hlan ah US nih Alqeada hruaitu pawl that ding in a kawl lio ah Taliban pawl nih Obama kha US kut ah an rak pek duh lo.
Mah lawng cu si loin US world Trade Center Alqead pawl nih ceilak in an rak phomh lio ah Alqaeda abawm tu hna kha Taliban pawl an rak si

US citizen a si mi, atu Afghan ram ah um mi hna hi Taliban pawl kut ah an um. An thi maw thi lai lo ti cu IS pawl kut ah a um. ISIS-K pawl doh dingin intelligence gathering a her ngai lai, US ralkap pakhat hman Afghan ram ah an um ti lo caah IS pawl that ding in US nih tuah ding mi pakhat hman a ngei lo,

Taliban pawl he rian tuanti lawng lam an ngei mi a si cang. Department of Defense briefing, Gen. Mark Milley, chairman of the joint chiefs of staff, nih US le Taliban ral a si ve ve mi doh ding in network rian an tuan ti khawh lai ti a zum ning a chim.

Afghan pawl nih US hriamnam hmangin Military Parade an ngei mi zong US Tax payers tangka a si caah, Taliban pawl he rian tuan tih ding in lam an kawl. American or Afghan government forces hmangin Taliban pawl nih ISIS-K doh ding kong ah zeihman nih hin tian an chim duh lo. Cred-RTK

Author: admin

Leave a Reply

Your email address will not be published. Required fields are marked *