AA Hriamtlai Pawl Hi Chin Mipi le CNF/A Nih Zo Sawh Sawh Ding An Si Ti Lo

 Chin ramkulh Paletwa peng, Banglasesh ramri , Pichaung ohsuh i a um mi khua 30 pawl cu AA ruangah an buai tuk cang. kan hnu thla chung in khan AA pawl nih cun raldo cawn ding in khua khat ah minung 3 an rak hal cang hna.

Khua mi pawl nih an el hna ah cun nan khua kan in khangh piak hna lai ,asi lole nan khua hi chuahtak u tibantuk in an rak hro hna. Khuami pakhat nih cun “Kan hnute ahkhan AA pawl cu kan khua ah an rak phan i ULA timi ralkap bu timi dirh dingin minung an rak kawl hna. Asi nain kannih nih kannih khua cu minung kan tlawm tuk tiah kan rak el hna nain, minung nan i thawh siang lo asi ah cun khua in chuak uh, hi ka hmun hi Chinram a silo Rakhine ramchung a si tiah an kan  ti.

Cu ruangah, khua chung minung 2 cu an duh na lo in an chuah pi hna,” tiah a ti. Cun AA nih khuakip ah hramhram in training  auh mi hna hi adih in an khua cio ah hruai tu si ding in an ti rih hna tiah achim chap.

Cun Palewa khuaimi pakhat nih cun “Kannih khua inhin mi 3 cu kan hnu deuh an khan an kal pi cang hna. Khua pakhat nih mi 3 cio AA ralkap tuanding ah nan i thawh ahau tiah an duh nalo in hramhram in an kal pi hna. Cun  Nan duh lo asi ah cun nan khua kan in khangh piak hna lai, kan in hrawh piak dih hna lai tiah in hro chih hna,” tiah a ti. Rakhine ralkap AA pawl hi 2019 kum in Chin ramkulh Paletwa peng picuang ohsuh ah an rak um cang i Paletwa peng cung hmun tamn deuh ah hin AA pawl nih hmunhma an lai cang tiah khua mipawl  nih cun achim. Source: Chin World

Author: Main Editor

Leave a Reply

Your email address will not be published. Required fields are marked *