Abia Hi Min Aung Hlaing Caah Cun Hling Chunh Bantuk Bak Asi Ko

 Thein Sein cozah nih an rak i bochan ngaimi ralbawi hlun le vuanci hlun Ye Htut nih bawngbi kong zahan Fb ah a tial. Indirect in MAH a thuatmi asi tiah tampi nih an ruah. Kan i zat lomi le kan phut lomi bawngbi kan i hruk ahcun kanmah ca lehlam thut sia a rem lo, pawngkam hmuhnak zong ah ai dawhcah lo, mah hngallo tiin mi nih an kan nek, keimah he kai tlak ti lomi bawngbi cu remh a herh, remh awk a that ti lo ahcun ai zami minung pek lawlaw a tha’ tiah a tial.

A cabia ah MAH min a telh lo nain amah a thuat ko tiah zapi nih ruah a si. Tlaih a tong ve men lai an ti cio. MAH nih Ye Htut a tlaihter cang’ tiah tuzing kha media cheukhat zong nih biachawkvai an tial ve. Nain an tlaih hraw lo. Ye Htut hi Thein Sein cozah lio vuanci a si i USDP le ralkap tanpitu tampi nih an uar ngaimi a si. Cathiam pakhat a si fawn. Tutan a cabia nih ralkap tanpitu lungrawk in a tuah hna.

Ralkap tanpitu mi sawhsawh le khuabawi thah khawh khi tulio mipi ralkap nih i uanpi ngai awk ah an ruah, ‘amah cu kan fimtawl’ tiah cathanh an chuah i zeitheilo mizapi zong an i lawm. Ralhrang tuahsernak ‘terrorist act’ a si tmi an i fiang lo.

Hiti hriamnam ngeilo thahnak hi tutan dothlennak vialte belnang nehtu ah ai cang te sual lai phan a um. Zeibantuk ramtha cozah hmanh nih biaceih hmasa lo thahnak (extrajudicial killing) a cohlang lo, extrajudicial killing a tuahtu cu ralhrang an ti hna (MAH ralkap bantuk). Credit; Salai LTT

Author: Main Editor

Leave a Reply

Your email address will not be published. Required fields are marked *