Aherh Ahcun Ka Thi Ko Lai Tiah Ralhrang Pawl Cu Aleh Hna– President Win Myint

Myanmar ralkap nih rampi nawlngeih nak an lak lioah khan rampi president U Win Myint zong an rak tlaih chih, President a sinak ngol dingin tiang in an rak hro, asi nain,  nan duh asi ahcun rak ka that ko uh tiah a rak ti nak hna cu, ni hin October 12 ah U Win Myint nih biaceih zung (Court) chungah cun achim dih.

President Win Myint hi ralkap pawl nih covid 19 phung buar, rampi hnahnohtu ,phunghram kalh in a cawlcang, vote dik lo tawlreltu tibantuk in sualnak (case) tampi an awh ter, cu sualpuh nak antuah piak mi chung in pohmah 505 hmangin taza an cuai mi cu ni hin October 12, 2021 ah biaceih zung (Court) chim rel asi. A tu bantuk in biaceih zung ah an chuahpi lio ah hin President U Win Myint nih ralkap pawl nih an hrocer nak pawl cu biaceih zung (Court) chung ah chim dih hi asi.

A tubantuk in President U Win Myint nih achim mi cu February 1 , zinglei nazi 5 hrawng i thil acang mi a si tiah sihni Lawyer pawl nih an chim. “ A umnak ah ralkap bawi pahnih an lut i, president na sinak hi ngol tak ko tiah an hnek. Cutikah U Win Myint  nih cun ka ngandam i president ka sinak hi ka chuah tak kho lo tiah a rak leh hna”.

“Hi tikah, ralkap bawi pahnih nih cun thaten ruat than rih, na taksa tiang nih a tuar kho mi asi tiah an hro rih nain, U Win Myint nih cun President sinak cu ka chuahtak kho lo I ka taksa nih a tuar i ka thih a herh asi zongah ka thi ko lai tiah a lah hna. Phunghram ning in nan kal ding tu asi, nawl ngeihnak hi nan lak ding a silo tiah ralkap bawi pahnih cu a ti rih hna ,” tiah President U Win Myint nih achim mi cu sihni pawl nih media sinah an chim.

Ralhrang pawl nih pohmah 505 hmangin President Win Myint sual an phawt mi cu an mah ralhrang nih rampi nawl ngeihnak an chuh hnuah Central NLD in ca an chuah mi he pehtlai in asi.

 

Author: Main Editor

Leave a Reply

Your email address will not be published. Required fields are marked *