Breaking News: Falam Khuapi Chungah Kahnak Achuak

 Chin ram kulh Falam khuapi chung I Palek (police) sakhan chung ah June 30 tuzan sml.10 hrawng ah Regional Deputy Lal Cawi Sang le Ralkap lutlai Buha cu zu an ri i an pahnih karlak sik nak achuak I meithal in an I kap I Ralkap pa hi a paw ah fak ngai in ahliam tiah theih asi.

Ralkap pa hi zu a rit bu in sakhan lei ah akal in Police Regional Deputy pa Lal Cawi Sang hi a hnakhaw ah nam in voi 2 atuk I police pa nih hin apawl ah meithal in voi 3 akah ve.

Apaw I hliam hma pu mi ralkap pa hi Falam sizung ah an kal pi nain aning cang athat deuh lo caah Kalay lei ah an kal pi. Cun police pa Lal Cawi Sang zong Falam siizungah an kal pi ve. Source zalen

Thawngpang dang rel chih: Falam peng chung i CNDF le ralhrang kahdohnak ah ralhrang lei hi atlawm bik minung 20 renglo an thi i CNDF lei mi 4 nih cun ram le miphun caah an nunnak an pek tiah thawngfiang cu CNDF lei nih mipi theih ding in thawng than nak an tuah.

Hi kahdoh nak ah hin thil um tu ning le CNDF lei minung 4 nunnak aliam nak kong he pehtlai in CNDF sinah biahal nak an ngei hna i CNDF chungtel 4 pawl an thih ning cu a tanglei bantukin leh nak an ngei hna.Tlangcung i kahdoh nak kan ngeih lio ah hin ralhrang lei nih hriam ngan (miakpi) le Bomb aphun phun afa he angan he an hman tuk caah CNDF lei dirhmun a tha lo. Cutikah kan tei kho rih hna lai lo tiah hnulei ah an I thawn.

Cu lio ah cun CNDF chungin minung3 cu an sinah an i tel tilo. A ruang cu ralhrang nih an hman mi hriam ngan le bomh phunphun pawl nih akhen hna. Voikhat nak hmunhma an thlen lio ah hin CNDF 3 hi an bau cang.

Cu caah an hawi le 3 va chanh than dingin an kal than hna I ralhrang cu an va kah than. A hmun an va phak tikah cun CNDF le hliamtuar 3 cu ralhrang pawl nih an rak kap that lawlaw cang hna i khur chung ah an rak phum cang hna. Khur pawng ahcun bomb on cia in an rak kham. CNDF chung in bomb lei athiam mi saya pakhat nih cun ruak cu chuah than dingin asi khawh chung in aa zuam i ahnu ah an ke arak lang. An ke cu puante aa ken mi a ttem.

Cu tlawm palah bomb a puak cu CDNF in bomb saya cu a hmunah a thi colh. Bomb a puah hlan ah hin CNDF hotu pakhat nih CNDF bomb saya sin ah cun hrin a sau deuh mi ka va lak lai tiah ati ko nain.

Bomb saya nih cun a rak hngak kho ti lo i puante in ahnuh caag a pawng i a um ve mi CNDF chungtel dang 7 zong bomb nih ahliam hna i atu ah thlopbul cuahmah lio asi,” tiah ram chung thawngzamh sin in theih asi.CNDF pawl nih hin ralhrang aum sawh ko mi an va kah hna siloin ralhrang lei tu nih khua mipi pawl cu an dehcawh hna , an thilri an hrawh piak hna i tilva pawl an ei piak dih hna hnu ah CNDF hmunhma cu an nor chih ruangah an rak kah ve hna tu asi ti mi cu thawng an chuah mi cung ah aa tel chih.

Author: Main Editor

Leave a Reply

Your email address will not be published. Required fields are marked *