Breaking News: Hakha Cawbuk Ah Laiser Meithal 17 Le Bomb An Lak

Hakha, Cawbuk sang thlanhmun ah Lai meithal 17 kan tlaih, tiah SAC ralhrang nih nihin October 29 ah thawngpang an chuah. Cawbuk thlanhmun i ruakfimnak thlan serciami chung ah meithal 17, Bomb phunphun 84 le Bullet Proof angki 7 cu October 28 ah kan tlaih, tiah thawngthanhnak ah an langhter. Hi kong he pehtlai hin SAC ralhrang nih Rev. Van Cem tlaih ding in an kawl cuahmah, tiah thawng kan theih.

Thawngpang dang…Thantlang Inn kangmi Kong update (October 30, 2021 @8:30am Myanmar Time) CDF-Thantlang nih atutiang ah Thantlang inn kangmi cazin an lak khawhmi cu a tanglei bantukin asi. Meikhu cu a um ngai rih nain a kang chap cuahmahmi inn cu a um ti rua lo tiin an cuanhning asi.

Ral karlak ah rianrang tukin lakmi cazin asi tikah a hrawnghrang deuh asi i (details in) a dik deuh lomi a um kho mi asi. Zunghmun Sang = 56, Market Sang = 52, Biakinn Sang = 29, TABC Sang = 22, Lungtial Sang = 3, Dihlak = 162, GTRO nih inn kangh a tongmi pumpak le chungkhar dihlak kan in ngaihchiat pi hna. Biathlaih: CDF-Thantlang nih inn a kangmi inn ngeitu min cazin zong lak an i zuam cuahmah lio a si. Credit: The Chin journal

Author: Main Editor

Leave a Reply

Your email address will not be published. Required fields are marked *