Breaking News: Hakha Khuapi Tlirh in Bomb a Puak

Tu zaan sml. 8:40 hrawng ah Hakha khuapi tlirh in bomb thang ngaiin voi khat a puak. A puah ning a thang taktak. Hakha pi a tlirh ko. Khuazei lei in ngaingai a puah cu kan thei lo,” tiah khuami pakhat nih a chim.

Cun rungtlang lei i meithal thawng cu tam ngai athang, mipi kan lau ngai tiah khuami pakhat nih cun achim. Hakha khuachung ngaingai in bomb puah thawng a than lonak hi ni zeimawzat a si cang i atu zaan ah thang ngai in voi khat a hun puah tthan hi a si.

Atukar Hakha khuachung ah Khualcazin check tibantuk zong a um pah. Tianzaan (October 24) ah khan khualcazin checknak ah nu pakhat telh in minung 5 an rak tlaih hna i nu pakhat le pakhat cu an thlah tthan cang hna, tiah thawng kan theih. Credit: the chin journal

Thawngpang dang…Cambodian Prime Minister nih Atutan ASEAN Summit ah Kawlram aiawhtu an i tel lomi cu ASEAN palh a si lo. Kan sawm ko mi hna an i tel duh lomi cu caantha an i lak duh lo a si tiah ASEAN Summit a ni khatnak [tuchun] ah a chim.Kawl ralkap cu ASEAN he thathi in cooperate an tuah lo tiah a hun mawhchiat pah chih hna, Myanmar Now nih an langhter. Atu lio ASEAN Chair a tlaitu hi Brunei a si. Tukum dih in Cambodia nih a chawn colh ding a si caah Cambodia cozah nih atu bantuk in an hun chim cu thil biapi ngai a si. Kawl ralkap nih an lung an thumh lo ahcun hmailei zeidah acing kho timi zeimawzat a hun langhter cia kan ti lai.

Malaysia Prime Minister nih ASEAN Chair Brunei nih Kawl ralkap aiawh political representative a sawm lomi cu ka dirpi a ti ve. Hi tu hi cu thil phundang tuk a si lo; tutan kong i a thawktu rereng hi Malaysia an si, ti kha ka langhter bal cang. Kum 1967 ah rak dirhmi ASEAN tuanbia ah Summit i ram hruaitu kainak nawl ngeih lo le, ram aiawhtu an i tel lo cu atutan Summit hi a hmasa bik a si. Zohchia a si pin ah cozah uknak kai lak aa ti vemi Kawl ralkap nih kainak nawl a ngeih lo caah ningzak khun a si.  ASEAN Summit cu thaizing le kip tiang peh a si rih lai. Thilthar a biapi mi um ahcun kan hun char than te lai.

Author: Main Editor

Leave a Reply

Your email address will not be published. Required fields are marked *