Breaking News: Kalay Sakhan Ralhrang Nih An Chuh Hna Ahnu Bik Thawng

 PDF Kalay tatyin 3 sakhan cu ralhrang nih an lak tiah theih asi. Nawlngeih nak ari cang mi ralhrang hna nih PDF kalay tatyin 3 sakhan cu nihin zinglei sml.10 hrawng ah an luh hnawh I sii le ralkap nu 10 le pa 2 an tlaih hna tiah theih asi. Kalay PDF tatyin 3 sakhan ah ralhrang hna an rak lut lio ah hin ralkap atam u hi ralram hmukhat I hmai an akal cuahmah lio asi I minung tlawm te lawng an sakhan ah hin an tang.

Sakhan an lak lio ah hin PDF kaly in minung pakhat nunnak aliam i minung 2 nih hliamhma an pu tiah theih asi nain zalen media nih cun kan fehter kho rih lo tiah antial. A hnubik thawng kantheih khawh tiah ah cun PDF sakhan pawng I KNDF nih chikkhat an hman chung mi(temporary) sakhan ah tu zanlei sml. 5 hrawng ah khan hriamngan thawng le meithal thawng theih asi. Hi pawl hi ralhrang bawmhding ah ara mi ralhrang pawl an si I motor pa 2 he Myohlht le Indaitlang karlak ah an rak kah hna I akir than mi an si. Cun ralhrang hna antha zaang chapding in Myohlah, GTU siangin le, Thanphu le in hmu thum in an rak ra tiah theih asi. Source; zalen

Kawlram chung vialte ah motorcycle monghnak kong he pehtlaoh in rikhiah mi cu SAC nih an thanh cang, hi rikhiah mi azul lomi paoh cu meithal in kah nan si lai tiah SAC hruaitu le riantuan tu hna nih thawngthanh nak an tuah I loudspeaker in khuachung zongah an au hna. Yangon khualipi ah cun cycle citnak nawl hrimhrim an pe ti hna lo I, acit mi paoh an tlaih cang hna cun Mandalay, Sagian, Mageway telh in Cycle aa cit mi antam nak pengkip le ramkulh kip an cycle cit ri khiah nak kong he petlai in ralhrang hna nih thawng thanh nak an chuah chih tiah theih asi.Cycle mongh le cit ri khiah ning cu atang lei bantukin an langter Cycle pakhat ah Pa pa2 in cit lo ding, cu nu nih a hmai in mongh in ahnu lei in pa ii cit lo ding, asi nain pa nih mongh in ahnu lei ah nu thut tu cu onh asi. Cun nu pa 2 I cit tti zong onh asi. Hi bantuk in rikhiah mi phun 4 in SAC ralhrang hna nih cun thawng an thanh. Hi bantuk in SAC nih Cycle cit rikhia mi an thanh mi cu November15 in ni17 tiang hi theihter nak chung asi lai i hi hnu cun zeihmanh biahal nak zong um ti lo in meithal in kahcolh nan si cang lai tiah SAC ralhrang hna nih thawng thanh nak an tuah.

PDF, CDF hna hi ralhrang hna nih an tei kho ti hna lo tik le khuapi deuh ahcun khuachung I an sakhan acawng tu hna cu ambush an tuah lengmang hna ruangah hin atu bantuk in cycle cit zulhphung an chuah hi asi, cun mipi kilveng tu ralkap hna hi cycle in khuachungah an luh ngam hna hlahseh ti hi an biapi bik in an i timh bik mi asi tiah min langhter lo mi pakhat nih cun achim.

Author: Main Editor

Leave a Reply

Your email address will not be published. Required fields are marked *