Breaking News; PDF Nih Ralhrang Bomb An Puah Hnawh Hna, Ralhrang 23 Thi

Sagaing(စစ်ကိုင်း) ramthen, Htee Cheih (ထီးချိုင့်)peng ah ralhrang mawtaw run cu tuni zingkaa Sml 1:30 hrawng ah Tha Kuang (တ‌ေကာင်း)lei an kal lio ah, mizapi ralkap hna nih bomb an puah hnawh hna i ralhrang 8 nak tlawmlo an thi i hliam tuar mi an tam tiah kan theih.

Sagaing(စစ်ကိုင်း) ramthen, Myiang(မြောင်) peng mipi vengtu ralkap hna le CDSOM phu 10 i bawm in November 2 zanlei Sml 2:30 hrawngah Myiang peng Bo Myat Thar(ဘိုးမြတ်သာ) khua lawnh ah ralhrang mawtaw a bu in arami hna le palek mawtaw hna cu bomb an puah hnawh hna i mawtaw cung ah a citmi ralhrang hna cu lam hlatpi in an ruak an i chek kan hmuh hna i 15 renglo an thi  tiah mizapi ralkap hna nih an chim. Credit: Khit Thit Media

Thantlang mei Akangh Lio I Hman Arak Thla Tu Hna

October 29 lio I Thantlang Inn vial te akangh dih lio ah Kha-Lah-Yah(222) ralhrang hna tiah ruah mi hna cu lung diriam in le zoh nuamh sawh sawh in hman aathlak pi mi hmanathlak achuak.Hi hman thlak cu an mah ralhrang hna chung mi nih Thantlang lut ka I phungki siangin luhnakhrawng le ralhrang hna camp pawng I viewpoint pawng in thlak mi hmanthlak asi tiah an chim. hi hmanthla tu hi rank sang ngei mi angki cu aa eih lo nain lu tlai lei cu asi hrim tiah khuami pakhat nih cun achim.

Ralhrang pawl nih cun CDF pawl nih an khangh mi asi I, ralhrang hna nih mei phalh dingin an va kal lio ah meithal in an rak kah hna cun Hakha le Thantlang karlak I timit hlei an chah caah meithat motor ara kho lo ti in aphun phun in an chim len.Asi nain zeihmanh evident (tet te) langter ding an ngei lo. Atu bantuk in Thantlang cu ciamdih lak akang lio I ralhrang U pa lei nih hman thlak in dai tein azoh ko mi hi cu ralhrang nih kan tuah lo an ti zong ah an si hrimhrim tiah khuami pakhat nih cun achim.

Cun view Point zong in hriamngan an kah. Zaw Min Thun nih cun ralhrang nih meithah an timh lio caan ah PDF nih meihmit kho lo in an kah hna tiah ralhrang thawngzamhmak MWD ah achim. Asinain mizapi lei nih chuahmiVideo ah Thantlang Baptist Quarter kangh hlan ah apawng ah ralhrang an um,minute raulo te ah Quarter akang Hi tin Thantlang in akangh mi chung ah in dawr khan 100 le Pathian biaknak inn 2 le CB bank telh in In 164 cu vutcam ah cang dih in kangh hna tiah Global Thanthlang Relief bu nih cun an langh ter ve.

Author: Main Editor

Leave a Reply

Your email address will not be published. Required fields are marked *