Breaking News: Ralhrang Motor Pa 5 Ankhangh Hliam Tuar An Tam

October 30, 2021 ah Sagain lei in Kachin ram lei ah ralhrang eiding vapek vabawmh ding in hriamnam akhat le mimung motor khat in aphur mi Motor 7 pawl cu an kal i, lam tan timah KIA le PDF hna nih  zanlei sang ah khan an rak bawh hna I, bomb in an rak thuat hna tiah thawng thei asi. KIA le PDF hna nih bomb an puah hnawh hna ah hin ahmun ah ralhrang motor pa 2 hi akang colh.

Cun adang atang mi pa 5 hna hi Kachin ram chung lei ah rang tatak in an mongh hna tiah khua mi pakhat nih cun achim.  Cun hi Motor pawl cu Myitkyina lei ah an kal tiah KIA le PDF pawl nih an theih hna I Mawhan le Nanhsi khua karlak ah zanlei sml. 7:15 hrawng ah KIA le PDF hna nih Bomb in an rak puah than hna I ralhrang Motor 3 cu a kaang dih than tiah theih asi. KIA le PDF hna nih Bomb in an rak doh hna caah hin ralhrang lei Motor 5 cu akaang I minung tamlak nih hliam an tuar tiah theih asi. Rampi nawlngeih nak hramhram in ralhrang hna nih an lak hnu in Kachin ram, Chin ram le Shan ram chaklei hna ah Kahdoh nak fak tuk in an chuak hna. Credit: 7 stars News

Relchap…Falam Peng Chung I Inn Khaang Tu Ralhrang Pawl Kalay Lei Ankir Lioah Bomb An Puah Hnawh Hna; October thlacheu hrawng  in Chin ram lei ah arak kai mi ral hrang hna cu, an rak rat nak lam pi kip ah minung lungthin keng lo in Inn le Lo an duah,  thilri an fir, Tilva pawl an that hna i, Chin ram khualipi Halkha tiang an kal.Cun ni zei maw zat an cam hnu ah Kalay lei, (rawn) lei ah kir than an i thawh i, Ni hin October 30, 2021 Chin ram kulh Falam in Kalay Myo lei an panh, Hi ralhrang hna cu Motor 15 an si I zinglei Sml.11 hrawngah khan Lungbang lonh I cu ah cun CNF le CNDF ralkap hna I bawm in Bomb pa 5 an puah hnawh hna tiah CNDF lei in bia chim nak nawl ngei si in thawng theih asi.

Atu bantuk in Ralhrang hna bomb in an doh hna nak ah hin ralhrang motor pa 8 cu bomb nih a khen I minung 2 an thi I minung 15  nih hliam hma an pu tiah achim chap.  Cun  nihin zanlei sml. 5:40 hrawngah ralhang motor 3 le ralhrang minung 30 hrawng cun Tedim khuachung ah an tuah theih asi. Credit: zalen

Author: Main Editor

Leave a Reply

Your email address will not be published. Required fields are marked *