CBCUSA cungah lunglawmhnak

CBCUSA cu Sangau YLA Sub-Hqrs:Sangau pengchung ralzam pawl an ṭhutdir ning le dirhmun hna hun zoh ding in an rak tlawng i, zahan zan ah khan SYLA Sangau OB le he i hmutong in ralzam pawl dirhmun kongkau ah tonbiaruahnak kan ngei.

Pu Thlaawr Bawihrin, Gen.Secy, CBCUSA nih cun SYLA nih ralzam pawl an tawlrel hna nak ding le zohkhenh hna nakding ah ti in nih Rs.100,000/- a kan pek i kan i lawm taktak.


Kannih YLA Sub-Hqrs:Sangau nih cun CBCUSA sin ah lunglawmhnak bia a hleikhun in kan chim. Bawipa nih CBC, USA pawl an lam hruai in umpi peng ko hna sehlaw, hmailei an lamthluan ah a thluachuahnak nih zuldawi peng ko hna seh tiin thlaza kan campiak hna.(The Chin Post)

Thawngpang dang….Yangon ramthen ah PDF nih dohnak hmun 4 ah an tuah i Hlaingtaya peng Awngzaeyah(အောင်ဇေယျ) hleidonh ah umhmun khuarmi ralhrang phu motor zong December 7, zinglei suimilam 7:00 ah mi zapi vengtu ralkap phu nih bomb lung 2 he an puahhnawh.

Teihgyi (တိုက်ကြီး) peng Mingalar sang Sanpiah lam ah ummi Mytel tower tung cu control box lung 2 in December 7, zaan suimilam 9:30 hrawng an an hrawh, cu ka hmun ah a kalmi ralhrang phu hna cu doh an ton than caah ralhrang minung 3 hrawng an thi i hliamtuar zong an um tiah theih a si.

Cun Special Humanitarina Encounter Defence (SHED) le RGA Alliance phufonh nih Dagon Myotit nichuahlei Minyekyawsua(မင်းရဲကျော်စွာ) lam cung ah ralhrang phu hna cu December 7, zaan suimilam 7:90 hrawng ah voi 1 le zaan suimilam 8:00 hrawng ah voi 2 tiah doh an ton caag ralhrang lei in minung 5 hrawng an thi i cheukhat nih hliam an tuar tiah theih a si.

Nihin December 8 ah Mayankung (မရမ်းကုန်း) peng Bayintnawng(ဘုရင့်နောင်) hleidonh pawng CCTV Control Box cu December 8, zinglei suimilam 5:30 hrawng ah a tha tammi bomb lung 3 in mi zapi vengtu ralkap phu nih an puahhnawh.

Cun Taketah (သာကတေ) peng Tuhmanah(သုမန) lam cung ah ralhrang phu nih umhmun an khuarnak building pakhat cu December 8, deilei suimilam 2:00 hrawngah Taketah (သာကတေ) mipi vengtu phu nih an doh tiah theih a si.

Pako ramthen Taungoo ah nihin zinglei suimilam 8:15 Bu-choh lem umnak pawng ah hmanhmi bomb lung 2 cu minutes tlawmpal dan in a puah caah cycle in phaisa kawltu minung pahnih cu a hliamhma tiah khuami nih an chim.Khit Thit Media(The Chin Post)

Author: admin