CDF-Matupi le Khuami Caah Zumtu Hna Thlacam Cio Usih

Mindat in Matupi ah ralhrang phor motor 90 le raltuknak Helicopter pahnih an kal. Thlanglei Laitlang, Matupi peng chung ah SAC ralhraang le CNA, CDF hna a zarh in an i kah hnu 2022 January 9 ah Mindat in Matupi lei ah ralhraang a phor mi motor 90 le raltuknak Helicopter pahnih an kal tiah thawng kan theih. Hi kong he pehtlai in, “Matupi peng chung ah kahdoh a fak ngaingai.

Ni khat hnu ni khat in ralhraang council nih a minung a chap than hna. Cun, atu hi lampi in an kal ngam ti lo. Ramtang in an kan fuh pah lengmang. Nihin motor 90 zong a cung in raltuknak Helicopter nih a ven hna. Raltuknak tank zong pahnih aa tel,” tiah min langhter duh lo pakhat nih The Hakha Post ah a chim. Matupi peng kahdohnak ruang ah ralzaam minung 9 tlaih an tong i hi hna chung ah pasarih hi an ruak in an char cang hna tiah theih a si. THP

Author: admin