CDF Pasaltha Nunnak A Liam

Nizan Dec.26, ah ralhrang le CDF-Mindat karlak kahdohnak a um than. Kahdohnak hi afak ngai ngai tiah theih asi. CDF-Mindat leiin pasaltha pakhat nunnak a liam.

CHRISTMAS DECEMBER 25 HI ROME LE PERSIAN BIAKNAK PHUNG IN HRAM BUNHMI ASI LO TI FIANHTERNAK. (Historical Facts) Lung-aw țawm in um ti hlah u! December 25 is not rooted in Paganism- AD 100 hrawng in Khrihfa hruaitu Upa hna hnih Bawi Jesuh Chuahni hi theih an rak duh ngai i, an rak tuak len cang. An tuakmi Ani cu Khrihfa hna sinah THANHNAK (Announce) an rak tuah tawn.

(1) Iranaues AD120-First Announce)- Iranaues nih Jesuh chuahni cu a tuak i, March 25 asi tiah Khrihfa hna sinah a thanh. Khrihfa chrukhat nih an rak cohlang ve. (Matampi nih an rak cohlang lo) (2) Hippolytus (AD 202-Second Announce)- Roman Theologian Hippolytus nih Daniel Commentary a tial i, Jesuh Chuahni ni December 25 asi tiah thanhnak a tuah.

Hippolytus thanhmi December 25 hi Khrihfa dihlak ti awk in an rak cohlang. (AD 202..The Daniel Commentary of Hippolytus Page -140) (3) Sextus Julius Africanus (AD 221)- Sextus J. Africanus nih a tuak ve i, Bawi Jesuh chuahni cu December 25 asi. Hippolytus tuakmi hi a dikmi asi tiah a fehter than ve. (Africanus book of AD 221.”The Chronology of the World Page 68)

THEIH AWK:- Hippolytus le Africanus nih an thanh mi December 25 hi, AD 300 hlan Khrihfa hna nih Jesuh chuahni asi tiah an rak cohlang dih cang. Asinain Official in Puai tuahnak le Holiday phun in an rak hmang lo. Aruang cu Khrihfa hna cu mitlawm te ansi i Uknak nawl ngeimi zong an rak si lo. Holiday puai tuahnak nawl zong an ngei kho lo. Amah belte cu December 25 ni hi Jesuh Chuahni asi tiah an rak cohlang dih. (AD 300 hlan hi Rome cozah nih Khrihfa cu a rak hrem mi hna an si.)

(I) Rome Emperor Aurelian (AD 247)- Rome miphun nih Persian pathian Mithra (The Unconquered Sun) cu an rak uar tuk. Mithra pathian hi Persian Hindu pathian lak ah a thawng bik in ruahmi asi. Rome Emperor Aurelian nih Persian Mithra (Sol- Invictus) milem cu a siam i, AD 274 December 25 ah Biakiin chungah pekchanhnak (Dedication) a rak tuah.

Cu hnu cun Mithra upatnak caah tiin WINTER SOLSTICE FESTIVAL (Puai) cu tuah hram an thok. Kan i fiang awk asi mi cu “Solstice Festival hi December 25 ni theng teah an tuahmi asi lo”. December 20 -January 6 tiang an tuahmi puai sau asi. (ဆောင်းရာသီပွဲတော်). Khah! Rome ram ah Mithra (Solstice Festival) puai tuah cu AD 274 in an thok ti kha philh hlah u.

(II) Hippolytus Le Aurelian (ahodah hmasa deuh)- Rome ram ah Mitra (Nika Pathian puai) an rak thok cu AD 274 ah asi. Hippolytus (AD 202) le Africanus (AD 221) nih Jesuh cu December 25 ah a chuak tiah an rak thanh diam cang. Cheukhat nih cun Rome Emperor Aurelian nih hin Khrihfa nih Jesuh chuahni ah an cohlang mi December 25 tu kha aa cooy tiah a ruat mi zong an um. Chim duhmi cu Rome Emperor Aurelian nih December 25 ah Mithra puai a tuah hlan, Kum 70 hlan ah Khrihfa hna nih Jesuh chuahni cu December 25 asi tiah an rak thanh diam cang.

(III) Rome Emperor Constantine (AD 280-337)- Constantine cu AD 330 ah Khrihfa zumhnak a uar caah Khrihfa a hung cang. Cuhnu cun Khrihfa biak cu Rome biaknak ah a hung cang ve. Constantine nih Christmas holiday ni caah
December 25 cu official tein AD 336 ah fehternak a tuah. Cucu Christmas s hram thawknak asi.

(1) Constantine nih Christmas caah December 25 a fehter mi kongah a phunphun in theory le tuanbia an tial. I el nak le i soisel lulh asi. Mitam cem nih an chimmi cu “Rome Khrihfa lut thar pawl caah, cu hlan i an tuah tawn mi Mithra puai (Sun god) kha Christmas ni ah a thlen (replace) ti asi. Si dawh ngai asinain a rak si hlei lo.

(2) Constantine nih zei ruangah dah December 25 cu Christmas ni ah a fehter. Mithra Solstice puai cu maw Christmas ni ah a thlen taktak ko? Ruat hna usih… Ka chim cang bantukin Winter Solstice Festical hi December 25 theng teah an rak tuah bal lo. December 20 -Jan 6 tiang tuahmi Puai (Long Holidays) asi. Cun ka chim lai…December 25 cu AD 202 ah Khrihfa dihlakt nih Jesuh chuahni asi tiah an rak pom cangmi asi.

(3) Lindsay nih cun “Constantine nih December 25 a fehtermi hi Khrihfa hmasa pawl nih an rak cohlang cang mi kha a fehter mi asi” tiah ati. Winter Festival (Dec-Jan 6) chungah aummi ni pakhat asi ve caah aa cawhmi a lo le asi tiah a ti.

DONGHNAK- December 25 Khrihfa Zumhnak cu AD 202 in aa thok cang. Rome ram ah Mithra pathian a luh cu AD 274 ah asi. Khrihfa zumhnak cu Kum 70 in a rak hlan deuh cang. Cucaahcun Christmas ni December 25 hi Biaknak dang (Paganism) in a ra mi asi lo ti kha langhter ka duhmi asi. (Jesuh cu Dec 25 ah a chuak hrinhrim tinak asi lo). Rome le Persian biaknak in Dec 25 cu aa sem lo ti kha kan i fian a hau. Pathian nih hngalhnak kan pe ko seh.IRT

Author: admin