CDM Atuah Tu Cozah  Riantuan Tu Caah Thawngpang Tha Tuk Asi Cang

CDM Cozah Riantuan Hna Le Ram Caah Nunnak Pe Mi Hna Bawmh Dingin Yangon Ramthen Hlawtdaw Nih Fehter, Yangon ramthen ah a ummi ralhrang duh lo in CDM a tuahmi cozah riantuan hna le ralhrang kut in hliammi le nunnak liammi hna cu bawmh dingin biatung chuah pi mi cu Yangon ramthen hlawtdaw nih a lungtlin pi.

Nihin July 5 zingah Online in tuahmi a voithumnak Yangon ramthen hlawdaw caankel tonpumhnak ah biatung chuahpi mi he pehtlai in dodal tu an um lo caah Yangon ramthen hlawdaw lungtlinnak in biachahnak an ngei.

Yangon ramthen ah ralhrang duh lo in CDM a tuahmi bawmhchanh dingin biatung chuahpi tu Lanmawdaw peng hlawdaw palai Daw.Aye Aye Ma nih a chuahpi i khuapau dothlennak ah nunnak liammi bawmhchanh dingin Lata peng Mehmun No.2 hlawdaw palai Daw Aye Miah Miah Myo nih a chuahpi.

Ralhrang rallokap kut in February 1in July 3 tiangah a nunnak a liammi hna hi 890 leng an si i,tlaihmi hna hi 6481 an si tiah AAPP nih a thanh. credit the chin postThawng pang dang relchih…CDM  Atuah Lo Mi Pawl Ralrin Peknak Ca CDF Nih An Chuah, Kawl Ralhrang hna he aa pehtlai I non CDM  asi I thildik lei ah attang mi CDM atuah tu hna cung ah a dik lo ning lam in rianah lut than ding le azu khan ding in le abaa cawh ti bantuk in hrocer le hna hnawh nak pek, cun rian caah mithar auh ti bantuk cu atu ah aum cuahmah.

Cu caah CDM atuah duhlo tu hna cu mipi cozah adih tu le bu tiah NUG nih kan in ti hna lai tiah NUG cathanh(5/2021) an rak than cang bantuk in CDM atuah tu hna hnahnawh nak ape tu le ahro lengmang tu hna cu mual ngei tak tak in dantat nak kan tuah cang lai tiah CDF zawng nih cathanh (4/2021) ah an rak thanh cang.Cu ruangah cun ralhrang ralkap nih ningcang loin an rian dinh ter mi hna CDM cozah riantuan tu hna ai ah rian asawk tu hna khawika department paoh le CDM cozah riantuan pawl ahro i rianluh terthan atimh tu hna.

A baa cawh tibantuk pawl cu atu ah aran nak in ngawl uh, nan ngawl duh lo in nan tuah ton mi nan peh zulh rih asi ah cun, nan zung chung ah maw as lo ah nan pumpak in ah doh nan ton tikah nan nunnak caah zeihmanh tuanvo kan la lai loh tiah fak pi in ralrin an pek hna. Credit; Chinland Defense Force

Author: Main Editor

Leave a Reply

Your email address will not be published. Required fields are marked *