Chin Miphun Dihlak Kan Lung Aa Rual NI cu Teinak Kan Hmuh Ni Asi Ve Te Lai

“Chin miphun dihlak Kan lung a rual ni cuTeinak kan hmuh ni a si ve te lai”

1. M.A.H nih CNA/F zei a rel lo mi hna cu Chin miphun zei a kan rel lo tu a si deuh. A ruang cu kan miphun nih a herh ning in CNA/F kan support hna lo ca ah a si ko i , cu nih a fian ter mi cu kan miphun lak ah thangh phawh nak le lungrual nak kan ngei kho tak rih lo ti mi a langh ter ngai ngai. Lung rual nak cu thawn nak or teinak an ti bang , a thawng mi ralkap kan ngeih khawh nak hnga ca ah miphun dawt nak ah kan i thangh a hau cang. AA cu kan i hnilh kar ah khin an phan manh cang. Khuaruah har ding cu a si lem lo, a herh mi cu miphun kong ah kan mit au a cu cang, kan lungrual herh tuk cang.

2* A poi tuk khun mi cu Chin ram kulh ah Chin mi minput in ramkhel rian a ttuan mi ralkap (CNA/F) lawng kan ngei hna na in a tu tiang ah Chinmi dih lak nih 100/100% in ttanh nak(support) kan pek khawh rih hna lo hi si.(AA cu nai te ah an dir na in an thawng bak kan ti. A ruang kan ruat bal maw? An pu bik nih fiang ngai in a chim cang ko kha . An mipi nih 100% ah 99%nih an tanh hna cu. A mah tu nih Chin mipi dih lak nih CNA/F kan ttanh nak hnga bia a kan cah kha.

3* Online le social midea ah khazei maw catial thiam ngai le a fim ngai le Ram a daw ngai mi bang a au khuang mi kan tam. Online le social media lawng ah si lo in a tak cawlcangh nak Action aherh. Kan ram le kan miphun kan dawt tak tak ah cun CNA/F hi a thawn khawh nak hnga kan sikaw ning cio in a lang mi action support kan pek hna a hau.(“Action is lauder than speeh”).

4*Ram chung Ram leng um kan Chin(Lai mi) mizei maw hna cu CNA/F hna hi kan bomh ko tung hna a tu tiang an cawl cangh ve lo ti in a voi vai mi kan tam ngai, ning cang lo in CNA/F kan pa le hruaitu hna a soisel tu hna kan um len. A poi tak tak. A ngai ngai ti ah cun kan Chinmi pi nih CNA/F kan bomh nak hna chaw va hna hi cu chim tham a si lem lo, an khua sak nak ca fang2 khi a si ko.

Kan ram an dawt tuk ca ah a tu tiang ramtang ah an um rih nak a si ko.Cun an hruai tu hna le zong tlang cung hriam tlai hna lak hmanh ah ai fit mi le a ral tha mi lawng te an si dih ko hna, a can si cang maw ti cu an mah nih tha te in an theih ko. Cu ca ah cun vuivai lo te in support pe ko hna uh sih. Zalon nak cu a man in khiah khawh a si lo i, chawva zong in tah chun awk a tha lo. Nun nak le thisen in thlen a hau. Cu ca ah nun nak pek in thisen he Chin mipi zalon nak ral a kan doh piak tu CNA/F hna i an i pek chanh nak cu nang mah le kei mah i kan pek chanh mi chawva tlawmte hna he khin cun tehkhin awk a tha lo.

Cu ca ah CNA/F nih kan Miphun zalon nak ca i ral an doh nak ah hin an tlin lo nak le chanbau nak tampi um ko hmanh seh law a do dal tu le a tthek derh tim tu si lo in le a soisel, thangchiat tu si lo in, hi rian hi kan Chin miphun dih lak liang cung ah khinh cang mi rian a si ti thei bu in kan mah le si khawh ning cio te in thazang a pe kho peng tu si hram ko hna uh sih. Hi a rit tuk mi zalon nak ral pi cu kan Miphun dih lak nih lungrual te in kan doh hna ah cun kan ral hna cu kan chinram vawlei in an tlau dih te ko lai. Lung rual cu teinak, thawn nak asi. Sang Bawi-update

Author: admin