Chin ram Chung I Meng 70 Khualam Cu Ralhrang Pawl Ni 5 Chung Ankal

Meng 70 te lawng ahla mi khual lam cu ralhrang hna cu ni 5 chung an kal. Ralhrang pawl hi raltuk nak hmanmi motor 2 in ralkap minung 60 hrawng an si tiah CDF Paletwa nih an chim. Hi bantuk in an rauhnak aruang cu CDF Paletwa nih lampi kip in kan kah hna bomb in kan puah hnawh hna, ahleice in ankal nak dingah bomb chiah le lam laklawh nak zon in bawh hi kan hman bik i cu caah cun hi bantuk in kan tuah khawh hna hi asi.

Cun hi kahdoh nak chung ah hin Ralhrang le hi minung 11 cu an thi tiah CDF Paletwa nih cun an fehter. CDF Paletwa nih an chim nakah Ralhrang nih hin an um lai tizong hi an kan ruat lo, cun kan nih nihhin ka fingtlang aum tu ning kha biapi in kan zoh ruangah hi zat hi kan thah khawh hna nak hi asi. Ralhrang an thi tiah kan ti mi hna hi kan hmuh hrimhrim mi afiang mi bak kan chim mi asi tiah Pual timi pa nih achim. November 11 lio ah khan Wayu khua pawng I chun nitlak non kan i kah lio ah Ralhrang lei nih hriam ngan an hman caah CDF Paletwa cu hnu an kir tiah theih asi. Mindat le Matupi i aum mi ralhrang hna kha, Rakhine le Chin ramri Paletwa khuapi lei ah an rak chap hna lio ah CDF Paletwa nih an rak doh hna hi asi. Source; Myanmar Now

Kawl Ralkap nih Mindat Peng Ayethayar khua inn an khangh

November 11 lio, Mindat in meng 23 um, Ayethayar khua ah Kawl ralkap nih inn an khangh, bomb an hmanh/do fawn, tiah theih a si. Cun, Matupi le Mindat kar meng 30 ah Kawl ralkap bomb hmanh/do mi khuami pahnih nih motorcycle in an lamh sual nain minung an him.November 12, Meng 16 zong ah anmah do mi bomb nih an motor a puahhnawh i an motor rawk, minung tu an him. Rff;Mindat Mizapi Ukhruaitu PhuChinram Chung Hi Tluk In Raltuk Cuahmah Lioah Ralhran Sianginn On Mi Ah An Kai Hi Cu Khuaruahar Lei Asi, Chinram Kulh chungah ralhrang hna le mipi kilveng tu ral tatak akap mi ralkap ( CAN, CDF) hna karlak ah fakpi in kahdoh nak achuah k olio ah Myone e hna ah cun primary sianginn cheukhat cu ralhrang hna nih November 1 ah khan an on than tiah teih asi. Hi chungah hin Myone kip in siangin akai mi hi Tedim Myone chung in minung 1782, Tonzang Myone chungin minung 4289, Matupi Myone in 17 le Paletwa Myone in 4964 an si i an dihlak fonh ah thonghra leng hi siangin akai mi an si tiah theih asi.

 

Asi nain atu le atu ral athawh lengmang nak Mindat, Kanpetlet, Thantlang, Halkha, Falam hna ah cun siangin hi an on ko nain siangin akai tu siang hngakchia an um loh tiah khuami cheuh khat nih an chim. Khuapi chung siangin hna le  Ralhrang nih sianginn ah hmunhma an lak nak khua cheukhat lawngah siangin hi an on kho, khua lei ah hin cun atu tiang siangin an ong kho rih lo.Khua lei I hngakchia hna zong an nunnak caah zeitikdah zei acan lai theih khawh asi lo caah siangin an kai hna lo tiah Paletwa i khuami pakhat nih Irrawaddy sin ah cun achim. Paletwa Myone ah hin Basic education siangin hi adihlak ah300 leng aum I, Khuapi chung siangin tlawmte lawng on khawh asi I, cun siangin akai tu minung zong  an tlawm tuk tiah achim chap. Source; Irrawaddy Burmese Edition

Author: Main Editor

Leave a Reply

Your email address will not be published. Required fields are marked *