China President Le Thlilak In Ansak Mi/ Space Station I Ava Kal Mi Mithiam Pathum Hna Cu Cung Le Tang In Bia An I Ruah

 China nih hin vawlei cung ah an mah hi a sibik, a sangbik , a thiambik,anganbik kan si ti an I ruah nak le an i timhnak cu an langhter chin lengmang, atu ah asannak thli lakah inn an sakmi cu mithiam hna vazoh terding in minung 3 a thlah hna i,

thlichung / space station an a vaphak  hnu in mithiam 3 le China president pa cu cung le tang in bia an I ruah hna. China mithiam 3 hna hi June 17 ah khan  cungcang i an va sakmi thlilak i inn cu an va zohfel lai i,thla 3 sung zohfelnak le rem aherh mi pawl remnak an nei va ngei lai.

cungsang thli lak i inn an saknak hmun cu him tein an phak hn ah mithiam hna 3 le China president Xi Jinping cu June 22 chun ah khan bia an ruah hna. Hi biaruahnak an ngeinak ahcun China president Xi Jinping nih mithiam 3 hna sinah “Thla 3 chung thlilak i kan sakmi inn ah aum ding nan si kha philh hlah uhlaw, tuah ahermi le remh aherh mi pawl cu tha tein rak rem dih hna uh.

Thli lak i inn sak mi cu China caah chinchiah tlak taktak asi lai. cun nan 3 in China mipi thinlung ah nan caam zungzal ko hih. thlilak i mipi kan um khawh nak dingah mi abiapi bik mi nan si,” tiah a cah hna.

China nih thlilak ah inn a sakmi cu 2022 ah dih ding le onpuai tuah dingin aa timh tuah I, tangka luh nak tha tak tak ah hman aa tim fon. A tu ah hin mithiam pawl nih  zeitin dah thlilak i inn ah hin kan um lai i, zeibantuk pawl dah aherh mi asi i, mipi caah  zeibantuk ralrin nakdah ngeih aherh lai timi pawl zoh pah in an rem cuahmah lio asi. Thli lak i inn an sakmi cu mipi zoh dingah le minung mih lung daite in caan vahman ta nak hmun pakhat ah hman asi lai tiah an chim ko nain, China in hin athli tein  timh mi a dang a ngei hrim ko lai ti hi ruah cio mi a si. Credit; Vapual Auaw

Author: Main Editor

Leave a Reply

Your email address will not be published. Required fields are marked *