Chuncung Ah Ralhrang Nih Thilri Tamtaktak Man An Fir

Min Aung Hlaing naule nih Chuncung khuami thilri sing 780 man hrawng fir, inn chung thilri hrawh. October 19 le 20 lio Hakha in a ra mi Min Aung Hlaing naule nih Chuncung khuami thilri tangka in sing 780 man hrawng an fir, tiah kan theih.

Thilri an lak mi lak ah computer 1(desktop), laptop 2, camera 2, printer 1, FZ motorcycle 1, TV 5 le bike 1 an firpiak hna tiah kan theih.Thilri le tangka an fir mi hi aman kan tuak i sing 780 man hrawng a si. Cu hmanh cu thil manngei deuh pawl lawng kan tuak mi a si, tiah khuami pakhat nih The Hakha Times ah a chim. Chuncung khua ah hin inn 30 leng an bauh i thilri an lehthal Tangka an fir i thilri zong an fir, tiah kan theih.Cun thawngpang dang deuh ah….Minmu le Sagaing ah Kawl ralkap pawl bomb an puahhnawh hna, motor 2 rawk, 10 leng thi; October 27| Monywa in a ra mi Kawl ralkap pawl cu Minmu Peng ah voi khat, Sagaing khua pawng ah voi khat tiin bomb an puahhnawh hna i an motor 2 a rawk, minung 10 renglo an thi, tiah kan theih. Bomb a puahhnawhtu hna i mizei phu an si a fiang rih lo. October 27 zingka ah a si i motor 13 chung ah 2 a rawk, 10 renglo an thi, tiah KTM nih a tial.

Phungluutlo thingphur motor Kawlin PDF nih mei in khangh October 25 lio, Kawlin Peng ah phungluutlo in thing a phurtu ke 12 ngei motor pakhat cu Kawlin PDF nih mei in an khangh, motor khaaltu cu an thlah cang, tiah theih a si. Kawlin Peng ah thinghau, fir le pawngkam rawhralnak a tuahtu cu fak piin dan kan i tat hna lai. Tutan motor kan khangh mi hi zohchun ding ah kan tuah mi a si, tiah Kawlin PDF nih an thanh. Credit; Khit Thit Media

Author: Main Editor

Leave a Reply

Your email address will not be published. Required fields are marked *