CNF Sinin Raltuk Training Adih Cang Mi Minung 4000 Leng An Si Cang

 

Ralhrang nih hramhram in nawlngeihnak an lak mi cu dohthan dingah CNF sinah training ava tuah I adih cang mi mino hi 4000 leng an si cang tiah CNF sinin theih asi. March thla chung tiang ah khan ni 45 rauh in basic (ahramdomhnak) raldoh ning cu, Sagaing, Magway, Chin ramkluh chung in CNF sinah training an rak kai tiah Salai Thet Ni nih cun achim.

Basic raldoh ning hi ni 20 rau in chimh an si I, Training akai mi hna caah hin ramleng I aum mi chin mi phun hna nih an rin hna. Cun abik in raldoh cawnnak cu Chin ram le India ramri ah hin tuah asi. Nai te zong ah khan CNN media nih cu ka hmun I training akai mi minung 100 hrawng he video aathlak mi cuhmuh cio asi.Atu I training akai mi hi Gen-z tiah an mi an si i, Ralhrang nih nawlngeih nak an lakhnu in daitein duhlonak alanghter tu mipi cu, ralhrang hna nih thahrum hmang nih he tiah anthen hna antlaih anhrem hna.

curuang ah cun ralhrang hna cu hriamnam in dohve than dingah atu bantukin mino hna nih Tlangcung hriamtlai sinah hriamtlai in training an kan hi asi. Cun tlaih mi len hremnak aing mi hna mipi hna cu hmualngei taktak bawmhding le, ralhrang dohding ah hi raldoh training hi an rak kai tiah salai Thet Ni nih cun achim.Gen-z pawl hi atu ah cun an I timh mi zong asang deuh cang ralhrang uk nak ahram in phelh in 2008phung hram pi zong hrawh in Federal Democracy rampi serding tiang in an I tim cang.

Cun training akai mi chungin Chimram chung raldoh nakah aatel mi zong an um cang. CNF nih cun NUG  nih an I timh ning in kal aatim tiah Salai Thet Ni nih cun achim. CNF cu rampi kahdaihnak NCA min athu mi asi ko nain ralhrang uknak lak mi cun aco hlang kho lo.cu caah CNF cu NUG he ralhragn uknak doh le Federal rampi sernak lam ah hnatlak nak a ngei i March 29 ah khan min a thut cang. Sualnak ngeilo Chin mipi hna cu ralhrang nih Minung 81 an thah cang hna tiah ICA nih july ni 6 ah achim. Source; Myanmar Now

Author: Main Editor

Leave a Reply

Your email address will not be published. Required fields are marked *