European Union Member ram 15 hna nih cun

European Union Member ram 15 hna nih cun Afghanistan ralzam 40,000 an ram ah luhter ding in hnatlakna an ngei cang, tiah Commissioner Ylva Johansson nih cun ram 15 minister hna nih meeting an ngeih khawh in a chim. Afghan ralzam luhter ding in hnatlaknak a ngei mi lak ah Germany nih 25,000 a laak lai i, Netherlands nih 3159, Spain le France nih 2500 veve le a dang a taang rih mi hna hi ram dang hna nih an lak ve lai.

United Nations High Commissioner for Foreign nih cun kum nga chung ah Afghan ralzam 42,500 lalut ding in a rak nawl cang hna nain EU ram 27 lak ah ram cheukhat nih cun ralzam laak hi an rak duh ve lo. August 15 i Taliban nih Afghanistan ram chung nawlngeihnak an laak hnu in Afghan mi tampi cu ramleng ah an zaam hna i, hi lak ah ralzam 28,000 cu EU ram 24 an phan cang. Hi pin ah hin Afghanistan ram ah Mangtam a tlun ruang ah le Taliban tih ruangah ralzam hi a karhlei an si lai, tiah zumh a si.

UNHCR chief Filippino Grandi nih cun Afghan minung 85,000 hrawng cu an nunnak caah thinphang in an um lio a si i, hi hna lak ah a zatceu tak cu an ram ah lalut ding in EU ram hna cu a nawl hna.Credit; The Chin Post

Thawngpang dang…..November 6 tuzing ah CNA le CDF -Hakha i bawm in Hakha khua hmun hnih ah Ralhrang an kah hna tiah kan theih.

CNA Chimphuannak nawlngei Salai Htet Ni nih “Hakha Cawbuk Ralhrang um nak ah CNA le CDF nih kan kah hna i Ralhrang 5 an thi, Hakha khualu Phungki Um nak ah hmun a khuar mi Ralhrang zong kan kah hna i Ralhrang minung 6 an thi, an dih lak minung 11 kan thah hna tiah The Chin Post ah achim. CNA le CDF lei in hliam tuan le a thi mi an um lo tiah kan theih.Credit;The Chin Post

Author: admin