Hakha ah SAC Ralhrang nih An Hliam Mi Pa Kong Ahnu Bik Update

Nizaan November 6 ah Hakha, Dauchim lam ah SAC ralhrang nih kum 50 a simi pa pakhat an kah caah hliamhma a pu, tiah thawng kan theih. Nizaan zinglei sml. 9:45 hrawng ah Khuangthlak chak ah an i kap. Sml. 11:00 hrawng ah SAC ralhrang pawl nih Dauchim lam in an hngah i an hmuhmi paoh an tlaih hna. Meithal in kah a tongmi pa hi motorcycle hnulei ah aa pherhmi a si.

SAC ralhrang pawl nih lam an conghmi an hmuh tik ah an lau i cycle an mer than. Mah lio ah cun an kah hna i a ttawk ah an khen,” tiah khuami pakhat nih thil sining a chim. Meithal in kah a tongmi pa hi a hliamhma he a zaam kho. Dauchim lam ah SAC ralhrang nih an hmuhmi paoh an tlaih hna i pa 19, nu 6 le ngakchia 3 tlaih an tong, tiah a cunglei khuami nih a chim.November 5 zaanlei sml. 3:30 hrawng ah Tedim peng Kenedy tlangtang ah PDF-Zoland le CDF-KKG i bawm in SAC ralhrang he kahdohnak a chuak i SAC ralhrang pahnih an thih pin ah meithal pahnih zong an lakpiak khawh hna. PDF-Zoland in kum 22 a simi Pau Gin Thang hliam a pu i a hliamhma in a nunnak a liam.

Hakha Haithlan ah Kawl ralkap nih bomb le meithal an puah, khuami 2 an tlaih hna; Nihin November 7 zaan lei suimilam 3:30 PM hrawng ah Ralhrang nih Hakha Haithlan ah meithal le Bomb an puah tiin khuami pakhat sin in kan theih. Dalaan nih Haithlan ah CDF an um tiin a chim hna caah Ralkap an ra. A ra mi an tam ngai. Meithal tamlak an puah.Bomb voikhat an puah. Khuami pahnih an tleih hna. Tin Tin Pa te inn zawng an bauh i thilri zawng an lak” tiah khua mipakhat nih The Chin Post ah a chim. An tleih mi hna pahnih cu ho an si theih asi rih lo. 3:30PM hrawng Hakha thar lam ruk ton nak zong ah Ralhrang nih meithal an puah sawh sawh tiin Hakha thar khuami pakhat sin in kan theih.

November 6 zongah khan CNA le CDF -Hakha i bawm in Hakha khua hmun hnih ah Ralhrang an kah hna. CNA Chimphuannak nawlngei Salai Htet Ni nih  Hakha Cawbuk Ralhrang um nak ah CNA le CDF nih kan kah hna i Ralhrang 5 an thi tiah achim.Cun Hakha khualu Phungki Um nak ah hmun a khuar mi Ralhrang zong kan kah hna i Ralhrang minung 6 an thi, an dih lak minung 11 kan thah hna tiah The Chin Post ah Salai Htet Ni nih cun achim chap. CNA le CDF lei in hliam tuan le a thi mi an um lo tiah kan theih.

 

Author: Main Editor

Leave a Reply

Your email address will not be published. Required fields are marked *