Hlasakthiam Minthang Yaw Kee A Inn Anbauh Piak Athilri Anfir

 Myanmar mipi nih thei cio mi Myanmar Idol Season 4 lio I hlasakthiam Yaw Kee a inn cu mifir nih an bauh piak i an inn chung I a computer le tangka ceilak an fir piak. An inn cu Yaw Kee um lo chungah an bauh piak mi asi.

Yaw Kee nih cun “aho mifir pa nih dah ka inn na bauh? A fir tu pa  nangmah nakin keimah  ka si fak deu ko nain. Computer le tangka na fir mi hna cu na duh ningin va hmang ko law,Na firmi tangka hmang khan nuam tein va um hram ko,” tiah a ti.

Hlasakthiam Yaw Kee cu Chin ramkulh Mindat khawpi chung I a um ve mi a si i ralhrang nih Mindat khuapi an lak tikah khuapi chungah um ti loin ramlak ah a rak tli ve.A tu ah Mindat CDF le ralhrang pawl  cu kah rih lo dingin biakchawnh nak an ngei hnu in mipi cheukhat cu khua cungah an kir cio hna. Asi nain Mipi nih cun Yaw Kee inn abauh tu le a thilri cheukhat afir tu hi cu ralhrang hrim hrim an si ko tiah an zumh.

 

Thawngpangdang na  relzuam ah cun… Champhai YMA le DC nih Zawlsei Ralzam Inn Caah Camphiau An Pek. Nizan June 24 ah khan Champhai YMA nih Zawlsei ralzam hmun sak lio mi caah camphiau bundle 24 le phaisa sing 1 cu Tuipuiral group YMA kut ah an pek.

Camphiau hi Champhai Deputy Commissioner Maria C.T Zuali tawlrelnakin Disaster management & Rehabilitation Department (DM&R) nih pek mi a si i, Champhai YMA nih ralzam bawmhnak caah sing 1 he Zawlsei ah an va pek.

Champhai YMA President Pu F. Lalrinmuana nih ralzam hna cu an dirhmun a harsa deuh zongah lung thawn tein tuar rih ding le YMA nih a phak khawh chungin hmalak an timhnak kong le Tuipuiral group YMA cungah lunglawmhnak a chim. Credit; the chin post

Author: Main Editor

Leave a Reply

Your email address will not be published. Required fields are marked *