Hmandaw Khua Ah Inn Tam Ngai An Baoh, Thilri An Fir, Tangka Zong An Chuh Hna

Ni zan November ni 4 ahkhan Ralhrang le Mipi Vengtu Ralkap hna faakngai in an i kap, Khuami pakhat nih The Chin Post ah a chim. Ralhrang nih Bom le meithal puahpah in Khua lei an rak panh i tu hi Khua kiangkap ah an um cang tiah a chim. Khuami hna cu kan dihlak in ramlak ah kan zam dih tiah Khuami pakhat nih The Chin Post ah thawng an rak kan thanh.

Thlacamnak in bawm ko hna usih. Nihin Chinram chunglawng si lo kawlram chung hmun tampi ah ralhrang doh in kahdoh nak achuak le, Chinram thlanglei I Mindat le Kanpetlet hna ah zong ah kah doh nak fak pi in achuak ni hin Nov 5 zong ah kahdoh nak hi afak azaulhma ngai rih.Nizan ah Hmandaw ah a riakmi ralhrang hna nih inn tam ngai an baoh i innchung thilri zong an fir. Cu pinah tangka an chuh hna. Saikel pahnih le khuami caah cawkmi Oxygen dur (sing 28 man) zong an lak tiah khuami pakhat nih The Chin Post ah thawng a kan thanh.

Nov 4, nizan ah khan Hmandaw le Angteng khua karlak ah mipi ralkap le ralhang kahdohnak a um i ralhrang hna cu Hmandaw khauchung ah lut in hmunhma an khuar. Khuami tam deuh hna cu ralhrang tih in ramlak ah an zam hna tiah theih a si. Hmandaw khuami pakhat nih cun “Kan khua hi inn 350 hrawng kan si i kan zam dih ti awk a si ko, a zam lomi cu inn 10 hrawng an si hnga maw?Ralhrang nih cun minung an um lonak inn paoh cu an baoh ko” tiah a chim. Inn an baohmi le thil an firmi cu a tanglei bantukin a si.1. Pu Thawng Uk inn 2. Sya Hniar Thang inn3. Pu Than Pian inn4. Pu Van Peng (NgunBikpa)5. Pi San Puh inn (An cycle an kal pi)

6. Pu Hme Ceu inn (Nu Remh pa) 7. Pu Sa Hnin inn (SuiKengpa: an ar pawl zong an i thah len hna) 8. Pu Țial Hnun(VanȚhaLian pa)9. Pu Sa Ceu innPu Zing Ceu inn (Cycle le phaisa singkhat)11. Pu Biak Hu inn (Phaisa singriat, laptop, phone, le phone bill pawl an fiar)Saikel pahnih fir piakmi1. Dawt Hnem Sung cycle.

2. Van Ceu Ham cycle Phone pahnih fir piakmi1. Hre Lian Mang phone2. Pi Hlawn Sung (BiakMang nu) Laptop fir piakmi1. Biak Mang laptopTangka chuhmi1. Pu Zing Ceu (singkhat) 2. Pu Biak Hu (singriat) Ralhrang hna cu mawtaw 29 hrawng he Nov 5, tuzingah Hmandaw in Hanthawady lei ah an pawk cang tiah khuami nih an chim.

Author: Main Editor

Leave a Reply

Your email address will not be published. Required fields are marked *