Inn Ah Nurse ( Si Saya/ma) Hlan Man An Thanh Atu bantuk khuacan lio i hi bantukin an tuah hi cu apoi tuk

Kawlram Chung Siizung ah mizaw an cohlang ti hna lo. cu caah cun covid hrik akai mi hna cu inn zoh zohkhen le thlop ding ah Nurse (sayamah) pawl cu nikhat ah Ks.thong sawmriat in Ks Tingkhat karlak in hman an si tiah mizaw ngei i ahlang tu hna sin in theih asi.

Tangka angei mi cheukhat hna I covid in adam lo mi hna le oxygen atlacham mi hna cu siizung ah an co hlan hna lo caah inn ah Nurse pawl cu an uah hna tiah theih asi.Hi bantuk in auh hna hmanh ah hin aho paoh in an zul hna lo, mizaw chunzan in um pi an herh ca zong ah asi khomen, kan hnuthal thawk ka ah cun thong sawmruk in an lak nain atu ah cun tingkhat pek ahau cang tiah  nurse hlan tu pakhat nih cun achim.

Hi bantuk in inn ah auh in hlan mi pawl cu Sii college in adih mi hna akai lio mi hna le private Sii siangin I akai mi hna deuh an asi. Atu ah cozah siizungah ihkhun an I ting lo oxygen an i za lo ruangah sii zung ah kai loin inn tu ah asikhawh nak lam paoh in an I zoh khenh cio hna lio asi.

Hi ruangah in zawtnak angei mi tangka ngei hna nih inn ah ni ca in nurse an hlan hna hi asi. Ralhrang hna kuttang I zaanglek nak le ngandamnak lei nih cun sii zung pi ah riantuan than dingin in an auh than cang hna.

Kawlram chung ngamdamnak lei department I thawngthanh ning ah cun covid ruang I athi mi hi 4036 an si cang tiah an ti. Source: BAP

Author: Main Editor

Leave a Reply

Your email address will not be published. Required fields are marked *