Joe biden le Border Agent karlakah buainak fakpi a chuak tak tak cang

US nih phunglam in ram buainak ruangah an ram chuahtak in US ram chungah a rah mi hna cu a cohlan, natein a tu cu phunglam loin US ram chungah a ra mi an tam tuk cang caah US cu a buai tuk cang i, President Joe Biden le Kamala Harris zong an mualpho ngai cang.

Joe Biden nih Trump Wall kha  dawngter i, natein ramdang in US ramchungah phunglam lo in a ra mi an tam tuk caah US ram state tampi cu a him ti lo an ti cang.

Del Rio camp ah mi 30,000 Haitian migrants cu US ram chungah an lut cang tiin Homeland Security boss Mayorkas nih achim.

Mi tampi cu Haiti ah kuat than an si, natein an tam tuk caah an dihlak kuat khawh ding mi an si lo tiin a chim, September 9 ah minung 15,000 leng US-Mexico border ah an lut than hoi. Border agents pawl nih Texas Camp ah rang cungah i cit i, Haitians migrants hna cu ceilak in an tuk hna i nan ram ah kir than u an ti hna.

Mah bantuk in border Agents pawl nih phunglam loin US ram chungah ra a tim mi pawl an tuk ruangah,

President Biden nih mah bantuk in a tuah mi hna cu hrem an si lai tiin a chim. Natein Border Agent pawl nih President Joe Biden thiam lo ruangah a si tiin sual an puh than.

Kan palnak pakhat hman um lo mi ah President Joe Biden nih thiam lo a kan puh. Amah ruangah ni fatin,  kan zoh kheng khawh lo mi phunglam lo in US chungah mi tampi an ra peng. Rian tuantu pawl kan caah a har tuk,

President Biden nih voihkhat hman kan rian tuan ning zong an zoh duh lo i, border ah an rah duh lo. Vice President nih sal/slavery bantuk in a tahchun men men than hoi.

American le kan chungkhar pawl himnak caah kum saupi rian kan rak tuan cang, Amah Joe Biden chim ruangah daitein kan um lai lo, Kum saupi President dang dang tangah rian kan rak tuan cang tiin Joe Biden thiam lo a si tiin an chim. Cred-RTK

Author: admin

Leave a Reply

Your email address will not be published. Required fields are marked *