Kachin Ram Le Shan Ram Ah  KIA Le Ralhrang Fak Ngai In An I Kap

June 26 ah Kachin ram nichuah thlanglei le Shan ramkulh chaklei aa ton nak ah Man Wayne Kyi . Gong Cryan pawng ah hramhram uknak la kawl ralhrang hna le KIA ralkap cu tuzing sml.8 ah le zanlei sml.4 le cheu ah ah fakngai in voi 2 an I kap tiah theih asi.

KIA um hmun khuarnak ah ralhrang hna cu an luh caah atu bantuk in kah nak fak achuah hi asi tiah theih asi.

Kaphnih kahdoh nak afah caah kaphnih in athi mi antam le an tlawm fiangfai theih le fehter khawh asi rih lo. atu  an I kah nak hmun hi Kawlram in Tuluk China leiah thing an luh pi nak bik mi hmun pakhat asi.Cun KIA nih rithai sii an tlaih mi cu nihin June 26 ah mei in an khangh. Kyuatkai myone Kaalai khua pawgah I KIA sakhan pawng ah an khangh dih tiah theih asi.

Hi an khangh mi rithai sii hna cu bing raang le siitlang pawl an si. KIA tatyin 8 I nawl ngei tu pakhat nih  ni hin cu 43 nak International rithai sii ningcang lo in hman le phunglut lo asi caah doh ni ah hin KIA/KIO nih tlaih mi vialte cu kan khangh hna tiah achim. Source. 7stars News

Thanwgpang dang na rel zuam ah cun relchih…PDF Pawl Nih Ralhrang Motor 2 Bomb In Anpuah  Ralhrang Athi Mi Le Hliam Tuar An Tam

Nihinah Gangaw lei in rak ttum SAC ralhrang Motor 20 hrawng cu Sagai ramthen Pale peng chung I khuapakhat pawng ah bomb in an puah hna I ralhrang motor atlawmbik pa hnih cu an rawk tiah Yinmapin PDF nih cu an chim.

Ni hin chun sml.12 hrawngah atlawm bik bomb 4 hrawng apuah I minung ahliam mi le athi mi an tam tiah Yinmapin PDF  chung tel pakhat nih cun achim.

Ralhrang hna cu an motor bomb nih apuah hna hnu in motor lampi thluangthluan cu meithal an puah thluahmah I mipi lei pakhat meithal kuan  nih akhen, cun Caw pakhat le Rang pakhat cu ralhrang meithal kuan khen nak in an thi tiah PDF nih cun an chim.

Cun nihin chun sml.2 hrawng ah ralhrang hna cu Kandaunt, Min Taing Pin, le Latpukan khua hna ah an lut I meithal cu an duhnak lei poahg sawh in anpuah I Pale peng chung i NLD zung pawl cu an hrawh hna tiah  Local Media pawl nih cun an tial. Source BAP

Author: Main Editor

Leave a Reply

Your email address will not be published. Required fields are marked *