Kah Ralrin Taktak Ding Ahlei In Ramchung Ummi Nih Cun Tuah Hrimhrim Ding Nan Unau Sinah Share Cio Khawh I Zuam Uh

 Kawlram buaibai nak kong pohpoh na phone chung ah chia hlah. Hmanthlak le video chia hlah. Ralhrang volhpamhnak țial hlah. CDF,CNA, PDF, NUG, CDM, tawinak in Ramkhel nak lei SYMBOL Min a keng mi le ȚAZEIH a um mi, Ramkhel lei hruaitu upa na dir kamhnak le an hmanthlak ah na țanh nak hna pohpoh na phone ah chia hrim hrim hlah.

CNA, CDF le PDF an ral thuam an i hruk nak hmanthak pawl khan na FB le na phone chung ah chia hlah, cun mah ralthuam aa hruk mi hna he nan fb ah hawikom nan si lo a tha. Cun Ramkhel nak kong tiban tuk nan ca kuatnak aum ah cun hlonh zungzal. CDF le CNA unau lei zong nih nan mah sin a um lo mi nan hawi le fb hawikom nan si ah cun, nan cawlcang nak ralthuam le video le hmanthlak tbk kha Fb ah na tar ah bia pi tuk lem lo, an in thieh sual ah cun mah na hawi kom hna kha an rau lai lo, nangmah hrimhrim a hlei in an i hrem lai. Ka chim duh nak a muru na fiang ko lai dah.

Media a si lo mi, Ramdang um lo mi le, ralhrang nih tleih khawh lo ding hna lawng nih tuah ding a si. Na hawi kom CDF, CNA le PDF tibantuk chung khin tlaih khih an tawn sual ah cun, cu hna an fawn chung ah nan ca kuatnak le hawi kom nan si nak nih khan, har nak relcawk lo na tuar khawh.

A cung ka țial mi hna, na phone chung ah , a um i an in tleih sual bak a si ah cun, mah ning te khan hrem na tong lai. Kan ral na si ti a si ko. A thi mi le hrem mi chung in an tawn mi vialte ah hin a cung ka langhter mi ruangah fahnak le thihnak a tong mi tampi kan um kho ti hi a fiang ngaingai.

Tuk le velh cu, chia rih uh sih. Rawl voikhat ei ah satil darkeu 2 pek i ei ter i, plastiks cucueih in an lu tuam in , an hngawng țem thawchuah nak um lo, thaw dawp nak um lo, mit pawt dih deng hnu ah , an hmai tianh duk dih in a um, saa tichung saupi chiah bantuk in an uam nak hna an an hmai a um. Mah hi a fak bik mi le minung ruahnak ah celh lo bik mi a si. Nangmah te khan hei i si ter hmanh.Cu vialte na tuah i, na caah zei hmanh miak nak a um lo mi ah, nangmah le nangmah harnak le thihnak na tawn khawh mi a si. Tu ca ka ttial mi hi, hrem a tong cang mi sin in ka theih mi a si caah, a hodah an chim timi bia hal ka ngah lo. Lai ca Lettu bawikha laimi a si khah. Credit; Moses Lian Khupchon Fb

Author: Main Editor

Leave a Reply

Your email address will not be published. Required fields are marked *