Kanduh Afahtuk Ruangah Midang Nunnak Aliam Muidawh Thin Zar Wint Kyaw

 Myanmar lemcangthiam le Model minthang Thin Zar Wint Kyaw cu mipi zawn ruat ngai tu pakhat a si ve i, ralkap nih rampi nawlngeih nak  an lak mi zong dokalh in mipi lei ttang mi pakhat a si.

Atu lio Myanmar nih faktuk in Covid 19 zawtnak kan tuar lio ah hin kan duh afah tuk ruang ah miharsa hna nunnak tiang kan chuh hna. Cu caah kan hakkauh nak hi chiata in midang tu bawm deuh hna uh si tiah. An herh mi nak in atam deuh in thil acaw mi pawl cu nun achimh hna.Thin Zar Wint Kyaw nih cun “Tulio kan ram buainak chungah hin hakkauhnak hi tlawmter uhsi. Thaizing ah zeithil paoh hi an dih colh ding bantuk in thil kan I cuh hna, zawtnak angei lo mizong nih Inn kip ah Oxygen dur ngeih/lak dih kan I timh, dur khat lawnghman aza ti loin dur tampi ngeih aa timh mi zongan um rih. Cu ruangah cun Oxygen man zong akai dih.

Cu lawng cu asi loh, thildang zong aherh lo tukin kan I cawk cia dih tikah aman a kai dih. Arti zong cheukhat cu chanchung a daih dingin acaw mi zong an um. Khat lei zawngin kan chim aasi ahcun kan haukauh nak alang tuk. Tangka ngei deuh nih dawrah aum mi paoh an duh zat in apha(suai)an i cawk i ahnu ah a pum in cawk a duh mi rethei pawl nih cun cawk ding an ngei ti lo. Cuban tuk ruangah arti man 80 le 100 karlak asi ton mi cu cuhnakin aletin  an kai deuh.

Thildang zawng cu bantuk  thiamthiam in kan I cawk cia cio hna, Cutikah  thil adih  dih asi lole aman a kai dih hna. Cu caah cun midang misi fak zawnruah bu tein dawr thil kan cawk ah siseh Oxygen kan cawk ah si seh kanzawn I ruat cio hna uh sih.

Author: Main Editor

Leave a Reply

Your email address will not be published. Required fields are marked *