KIA Le Ralhrang Kahdoh Nakah Ralhrang Nih Vanlawng In Ankhah Hna

Kachin ramkulh le Sagaing ramthen hmun cheuhkhat ah KIA le PDF I bawm in ralhrang he kadoh nak fak ngai achuak i kaphnih in athi mi an tam.

Atu tan kachin ram i an I kah nak ah hin ralhrang lei in 30 in 40 karlak an thi tiah PDF nih cun an chim. Cun KIA le PDF lei in minung 6 athi mi an um ve. Hi KIA le PDF lei in athi mi chung ah hin KIA ralbawi pakhat aa tel tiah theih asi.Atu tan i an i kah nak hmun hi Kachin ramkulh Shwe Ku myone Myohla khua pawng ah a si i July 9, zanlam sml. 2 hrawngin kahnak hi aa thok, voi 2 tiang an i kap.

Suimilam.2 hrawgi i an i kahnak ahhin ralhrang lei 30 in 40 karlak hrawng an thih i mimung50 hrawng nih hliamhma a tuar mi an um tiah PDF lei nih cun thawng an thanh. atu tan i kah nak aruang cu KIA tatzin 5-nak pawl cu ralhrang lei nih an luhhnawh hna i a hmun i aumcia mi KIA le PDF ttang tti in an rak kah ve hna hi asi.chun sml.2 hrawng i an i kahnak ah ralhrang lei a thi mi an tam tuk caah ralhrang leihi an lungtling ti lo i vanlawng an hman phah i zanlei Sml.4 hrawngah KIA le PDF umnak hmun cu vanlawng  in a va kah than.

Hi vanlawng in an kah hna nak ah hin KIA le PDF lei in minung 6 an thi i hi athi mi hna lakah hin KIA ralbawi pakat Naw Htun Aung a tel ve. July 9 , zanlei Sml.6pm hrawng zongah Sagaing ramthen Katha khuapi chung i umhmun a khuar mi ralkap bu cu KIA le PDF ttang tti in an kah ve hna i a thi mi le hliam tuar mizat felfai in an than rih lo.Atu kahdoh nak i a mithi le hliam tuar mi cazin pawl cu anmah kahdohnak chung i aatel ve mipawl nihh phuan ning bantuk in tarlang a si.

Annih zong nih athi mi hi fianghlang tein an thei velo cu caah cuzat in cuzat hrawng ti lawng in an chim kho ve i, fiang tein an chim kho mi cu cukahmun i kahnak ah athi mi an um ti mi lawng hi asi tiah atarlang. Asi nain atu tan kahnak nak kong thawng pang hi cu Kachin hrambunh thawngthanh tu pical asi  mi pakhat nih achim mi asi.

 

Author: Main Editor

Leave a Reply

Your email address will not be published. Required fields are marked *